26. Chapter 26

श्रीवसिष्ठ उवाच । इति ते वरवर्णिन्यौ ततो ब्रह्माण्डमण्डलात् । निर्गत्यान्यदनुप्राप्ते यत्र तद्ब्राह्मणास्पदम् ॥ १ ॥

śrīvasiṣṭha uvāca | iti te varavarṇinyau tato brahmāṇḍamaṇḍalāt | nirgatyānyadanuprāpte yatra tadbrāhmaṇāspadam || 1 ||

Vasishtha said:—After the excellent ladies had returned from their visit of the mundane sphere, they entered the abode where the Brahman had lived before.

ततो ददृशतुः सद्म स्वमेवं सिद्धयोषितौ । अदृश्ये एव लोकस्य मण्डपं ब्राह्मणास्पदम् ॥ २ ॥

tato dadṛśatuḥ sadma svamevaṃ siddhayoṣitau | adṛśye eva lokasya maṇḍapaṃ brāhmaṇāspadam || 2 ||

There the holy ladies saw in that dwelling, and unseen by any body, the tomb or tope of the Brahman.

चिन्ताविधुरदासीकं बाष्पक्लिन्नाङ्गनामुखम् । विध्वस्तप्रायवदनं शीर्णपर्णाम्बुजोपमम् ॥ ३ ॥

cintāvidhuradāsīkaṃ bāṣpaklinnāṅganāmukham | vidhvastaprāyavadanaṃ śīrṇaparṇāmbujopamam || 3 ||

Here the maid servants were dejected with sorrow, and the faces of the women were soiled with tears. Their countenances had faded away, like lotuses with their withered leaves.

नष्टोत्सवपुरप्रायमगस्त्यात्तमिवार्णवम् । ग्रीष्मदग्धमिवोद्यानं विद्युद्दग्धमिव द्रुमम् ॥ ४ ॥

naṣṭotsavapuraprāyamagastyāttamivārṇavam | grīṣmadagdhamivodyānaṃ vidyuddagdhamiva drumam || 4 ||

All joy had fled from the house, and left it as the dry bed of the dead sea, after its waters were sucked by the scorching sun (Agastya). It was as a garden parched in summer, or a tree struck by lightning.

वातच्छिन्नमिवाम्भोदं हिमदग्धमिवाम्बुजम् । अल्पस्नेहदशं दीपमिवालोकनभेदनम् ॥ ५ ॥

vātacchinnamivāmbhodaṃ himadagdhamivāmbujam | alpasnehadaśaṃ dīpamivālokanabhedanam || 5 ||

It was as joyless as the dried lotus, torn by a blast or withering under the frost; and as faint as the light of a lamp, without its wick or oil; and as dim as the eyeball without its light.

आसन्नमृत्युकरुणाकुलवक्त्रकान्तिसंशीर्णजीर्णतरुपर्णवनोपमानम् । वृष्टिव्यपायपरिधूसरदेशरूक्षं जातं गृहेश्वरवियोगहतं गृहं तत् ॥ ६ ॥

āsannamṛtyukaruṇākulavaktrakāntisaṃśīrṇajīrṇataruparṇavanopamānam | vṛṣṭivyapāyaparidhūsaradeśarūkṣaṃ jātaṃ gṛheśvaraviyogahataṃ gṛhaṃ tat || 6 ||

The house without its master, was as doleful as the countenance of a dying person, or as a forest with its falling and withered leaves, and as the dry and dusty ground for want of rain.

श्रीवसिष्ठ उवाच । अथ सा निर्मलज्ञानचिराभ्यासेन सुन्दरी । संपन्ना सत्यसंकल्पा सत्यकामा च देववत् ॥ ७ ॥

śrīvasiṣṭha uvāca | atha sā nirmalajñānacirābhyāsena sundarī | saṃpannā satyasaṃkalpā satyakāmā ca devavat || 7 ||

Vasishtha continued:—Then the lady with her gracefulness of divine knowledge, and the elegance of her perfections, and her devotedness to and desire of truth, thought within herself, that the inmates of the house might behold her and the goddess, in their ordinary forms of human beings.

चिन्तयामास मामेते देवीं चेमां स्वबन्धवः । पश्यन्तु तावत्सामान्यललनारूपधारणीम् ॥ ८ ॥

cintayāmāsa māmete devīṃ cemāṃ svabandhavaḥ | paśyantu tāvatsāmānyalalanārūpadhāraṇīm || 8 ||

Vasishtha continued:—Then the lady with her gracefulness of divine knowledge, and the elegance of her perfections, and her devotedness to and desire of truth, thought within herself, that the inmates of the house might behold her and the goddess, in their ordinary forms of human beings.

ततो गृहजनस्तत्र स ददर्शाङ्गनाद्वयम् । लक्ष्मीगौर्योर्युगमिव समुद्भासितमन्दिरम् ॥ ९ ॥

tato gṛhajanastatra sa dadarśāṅganādvayam | lakṣmīgauryoryugamiva samudbhāsitamandiram || 9 ||

The dwellers of the house then beheld the two ladies as Laxmi and Gauri together, and brightening the house with the effulgence of their persons.

आपादविविधाम्लानमालावसनसुन्दरम् । वसन्तलक्ष्म्योर्युगलमिवामोदितकाननम् ॥ १० ॥

āpādavividhāmlānamālāvasanasundaram | vasantalakṣmyoryugalamivāmoditakānanam || 10 ||

They were adorned from head to foot, with wreaths of unfading flowers of various kinds; and they seemed like Flora—the genius of spring, perfuming the house with the fragrance of a flower garden.

सर्वौषधिवनग्रामं पूरयन्त्यौ रसायनैः । शीतलाह्लादसुखदं चन्द्रद्वयमिवोदितम् ॥ ११ ॥

sarvauṣadhivanagrāmaṃ pūrayantyau rasāyanaiḥ | śītalāhlādasukhadaṃ candradvayamivoditam || 11 ||

They appeared to rise as a pair of moons, with their cooling and pleasant beams; infusing a freshness to the family, as the moonlight does to the medicinal plants in forests and villages.

लम्बालकलतालोललोचनालिविलोकनैः । किरत्कुवलयोन्मिश्रमालतीकुसुमोत्करान् ॥ १२ ॥

lambālakalatālolalocanālivilokanaiḥ | kiratkuvalayonmiśramālatīkusumotkarān || 12 ||

The soft glances of their eyes, under the long, loose and pendant curls of hair on their foreheads, shed as it were a shower of white malati flowers, from the dark cloudy spots of their nigrescent eyes.

द्रुतहेमरसापूरसरित्सरणहारिणा । देहप्रभाप्रवाहेण कनकीकृतकाननम् ॥ १३ ॥

drutahemarasāpūrasaritsaraṇahāriṇā | dehaprabhāpravāheṇa kanakīkṛtakānanam || 13 ||

Their bodies were as bright as melted gold, and as tremulous as the flowing stream. The current of their effulgence, cast a golden hue on the spot where they stood, as also over the forest all around.

सहजाया वपुर्लक्ष्म्या लीलादोलाविलासिनः । त एते च तरङ्गाढ्या निजलावण्यवारिधेः ॥ १४ ॥

sahajāyā vapurlakṣmyā līlādolāvilāsinaḥ | ta ete ca taraṅgāḍhyā nijalāvaṇyavāridheḥ || 14 ||

The natural beauty of Laxmi's body, and the tremulous glare of Lila's person, spread as it were, a sea of radiance about them, in which their persons seemed to move as undulating waves.

विलोलबाहुलतिकायुगेनारुणपाणिना । किरन्नवनवं हैमं कल्पवृक्षलतावनम् ॥ १५ ॥

vilolabāhulatikāyugenāruṇapāṇinā | kirannavanavaṃ haimaṃ kalpavṛkṣalatāvanam || 15 ||

Their relaxed arms resembling loose creepers, with the ruddy leaflets of their palms, shook as fresh Kalpa creepers in the forest.

पादैरमृदिताम्लानपुष्पकोमलपल्लवैः । स्थलाब्जदलमालाभैरस्पृशद्भूतलं पुनः ॥ १६ ॥

pādairamṛditāmlānapuṣpakomalapallavaiḥ | sthalābjadalamālābhairaspṛśadbhūtalaṃ punaḥ || 16 ||

They touched the ground again with their feet, resembling the fresh and tender petals of a flower, or like lotuses growing upon the ground.

तालीतमालखण्डानां शुष्काणां शुचिशोचिषाम् । आलोकनामृतासेकैर्जनयद्बालपल्लवान् ॥ १७ ॥

tālītamālakhaṇḍānāṃ śuṣkāṇāṃ śuciśociṣām | ālokanāmṛtāsekairjanayadbālapallavān || 17 ||

Their appearance seemed to sprinkle ambrosial dews all around, and made the dry withered and brown boughs of tamala trees, to vegetate anew in tender sprouts and leaflets.

नमोऽस्तु वनदेवीभ्यामित्युक्त्वा कुसुमाञ्जलिम् । तत्याज ज्येष्ठशर्माथ सार्धं गृहजनेन सः ॥ १८ ॥

namo'stu vanadevībhyāmityuktvā kusumāñjalim | tatyāja jyeṣṭhaśarmātha sārdhaṃ gṛhajanena saḥ || 18 ||

On seeing them, the whole family with Jyeshtha Sarma (the eldest boy of the deceased Brahman), cried aloud and said, “Obeisance to the sylvan goddesses,”and threw handfuls of flowers on their feet.

पपात पादयोर्गेहे तयोर्वै कुसुमाञ्जलिः । प्रालेयसीकरासारः पद्मिन्या इव पद्मयोः ॥ १९ ॥

papāta pādayorgehe tayorvai kusumāñjaliḥ | prāleyasīkarāsāraḥ padminyā iva padmayoḥ || 19 ||

The offerings of flowers which fell on their feet, resembled the showers of dew-drops, falling on lotus leaves in a lake of lotuses.

ज्येष्ठशर्मादय ऊचुः । जयतं वनदेव्यौ नो दुःखनाशार्थमागते । प्रायः परपरित्राणमेव कर्म निजं सताम् ॥ २० ॥

jyeṣṭhaśarmādaya ūcuḥ | jayataṃ vanadevyau no duḥkhanāśārthamāgate | prāyaḥ paraparitrāṇameva karma nijaṃ satām || 20 ||

Jyeshtha sarma said:—Be victorious, ye goddesses! that have come here to dispel our sorrow;as it is inborn in the nature of good people, to deliver others from their distress.

इति तद्वचनान्ते ते देव्यावूचतुरादरात् । आख्यात दुःखं येनायं लक्ष्यते दुःखितो जनः ॥ २१ ॥

iti tadvacanānte te devyāvūcaturādarāt | ākhyāta duḥkhaṃ yenāyaṃ lakṣyate duḥkhito janaḥ || 21 ||

After he had ended, the goddesses addressed him gently and said, tell us the cause of your sorrow, which has made you all so sad.

ज्येष्ठशर्मादयस्ते ते देव्यौ प्रति यथाक्रमम् । निजं तद्दुःखमाचख्युर्दम्पतिव्यसनात्मकम् ॥ २२ ॥

jyeṣṭhaśarmādayaste te devyau prati yathākramam | nijaṃ tadduḥkhamācakhyurdampativyasanātmakam || 22 ||

Then Jyeshtha Sarma and others related to them one by one their griefs, owing to the demise of the Brahman pair.

ज्येष्ठशर्मादय ऊचुः । देव्यावभवतां स्निग्धाविह ब्राह्मणदम्पती । सर्वातिथी कुलकरौ स्तम्भाभूतौ द्विजस्थितेः ॥ २३ ॥

jyeṣṭhaśarmādaya ūcuḥ | devyāvabhavatāṃ snigdhāviha brāhmaṇadampatī | sarvātithī kulakarau stambhābhūtau dvijasthiteḥ || 23 ||

They said:—Know O goddess pair! there lived here a Brahman and his wife, who had been the resort of guests and a support of the Brahminical order.

तावद्य गृहमुत्सृज्य सपुत्रपशुबान्धवम् । स्वर्गं गतौ नः पितरौ तेन शून्यं जगत्त्रयम् ॥ २४ ॥

tāvadya gṛhamutsṛjya saputrapaśubāndhavam | svargaṃ gatau naḥ pitarau tena śūnyaṃ jagattrayam || 24 ||

They were our parents, and have lately quitted this abode; and having abandoned us with all their friends and domestic animals here, have departed to heaven, and left us quite helpless in this world.

पक्षिणो गृहमारुह्य विक्षिपन्तः प्रतिक्षणम् । देहं शून्ये मृतं भक्त्या शोचन्ति मधुरैः स्वरैः ॥ २५ ॥

pakṣiṇo gṛhamāruhya vikṣipantaḥ pratikṣaṇam | dehaṃ śūnye mṛtaṃ bhaktyā śocanti madhuraiḥ svaraiḥ || 25 ||

The birds there sitting on the top of the house, have been continually pouring in the air, their pious and mournful ditties over the dead bodies of the deceased.

गुहागुरुगुरारावप्रलापलपनाकुलः । सरित्स्थूलाश्रुधाराभिः परिरोदिति पर्वतः ॥ २६ ॥

guhāgurugurārāvapralāpalapanākulaḥ | saritsthūlāśrudhārābhiḥ pariroditi parvataḥ || 26 ||

There the mountains on all sides, have been lamenting their loss, in the hoarse noise (of the winds) howling in their caverns, and shedding showers of their tears in the course of the streams issuing from their sides.

निर्जराक्रन्दकारिण्यो मुक्ताम्बरपयोधराः । तप्तनिःश्वासविध्वस्ताः परं कार्श्यमिता दिशः ॥ २७ ॥

nirjarākrandakāriṇyo muktāmbarapayodharāḥ | taptaniḥśvāsavidhvastāḥ paraṃ kārśyamitā diśaḥ || 27 ||

The clouds have poured their tears in floods of rainwater, and fled from the skies; while the quarters of the heavens have been sending their sighs in sultry winds all around.

क्षतविक्षतसर्वाङ्गः करुणाक्रन्दकर्कशः । उपवासरतो ग्रामो दीनो मृतिपरः स्थितः ॥ २८ ॥

kṣatavikṣatasarvāṅgaḥ karuṇākrandakarkaśaḥ | upavāsarato grāmo dīno mṛtiparaḥ sthitaḥ || 28 ||

The poor village people are wailing in piteous notes, with their bodies mangled by rolling upon the ground, and trying to yield up their lives with continued fasting.

दिवसं प्रति वृक्षाणामवश्यायाश्रुबिन्दवः । गुच्छलोचनकोशेभ्यस्तापोष्णानि पतन्त्यधः ॥ २९ ॥

divasaṃ prati vṛkṣāṇāmavaśyāyāśrubindavaḥ | gucchalocanakośebhyastāpoṣṇāni patantyadhaḥ || 29 ||

The trees are shedding their tears every day in drops of melting snow, exuding from the cells of their leaves and flowers, resembling the sockets of their eyes.

प्रशान्तजनसंचारा रथ्या क्षारविधूसरा । विधवाविगतानन्दा संशून्यहृदया स्थिता ॥ ३० ॥

praśāntajanasaṃcārā rathyā kṣāravidhūsarā | vidhavāvigatānandā saṃśūnyahṛdayā sthitā || 30 ||

The streets are deserted for want of passers-bye, and have become dusty without being watered. They have become as empty as the hearts of men forsaken by their joys of life.

कोकिलालिप्रलापिन्यो वृष्टिबाष्पहता लताः । उष्णोष्णश्वसना देहं घन्ति पल्लवपाणिभिः ॥ ३१ ॥

kokilālipralāpinyo vṛṣṭibāṣpahatā latāḥ | uṣṇoṣṇaśvasanā dehaṃ ghanti pallavapāṇibhiḥ || 31 ||

The fading plants are wailing in the plaintive notes of Cuckoos and the humming of bees; and are withering in their leafy limbs by the sultry sighs of their inward grief.

आत्मानं शतधा कर्तुं बृहच्छ्वभ्रशिलातले । निर्झराः प्रपतन्त्येते तापतप्तशरीरकाः ॥ ३२ ॥

ātmānaṃ śatadhā kartuṃ bṛhacchvabhraśilātale | nirjharāḥ prapatantyete tāpataptaśarīrakāḥ || 32 ||

The snows are melted down by the heat of their grief and falling in the form of cataracts, which break themselves to a hundred channels by their fall upon stony basins.

निःशङ्कया गतश्रीका मूका विलुलिताशयाः । अन्धेन तमसा पूर्णा गृहा गहनतां गताः ॥ ३३ ॥

niḥśaṅkayā gataśrīkā mūkā vilulitāśayāḥ | andhena tamasā pūrṇā gṛhā gahanatāṃ gatāḥ || 33 ||

Our prosperity has fled from us, and we sit here in dumb despair of hope. Our houses have become dark and gloomy as a desert.

उद्यानपुष्पखण्डेभ्यो रुदद्भ्यो भ्रमरारवैः । पूतिगन्धो विनिर्याति स्वामोदापरनामकः ॥ ३४ ॥

udyānapuṣpakhaṇḍebhyo rudadbhyo bhramarāravaiḥ | pūtigandho viniryāti svāmodāparanāmakaḥ || 34 ||

Here the humble bees, are humming in grief upon the scattered flowers in our garden, which now sends forth a putrid smell instead of their former fragrance.

चैत्रद्रुमविलासिन्यो विरसाः प्रतिवासरम् । लताः कृशा विलीयन्ते सकुचद्गुच्छलोचनाः ॥ ३५ ॥

caitradrumavilāsinyo virasāḥ prativāsaram | latāḥ kṛśā vilīyante sakucadgucchalocanāḥ || 35 ||

And there the creepers that twined so gayly round the vernal arbors, are dwindling and dying away with their closing and fading flowers.

प्रक्षेप्तुमम्बुधौ देहं प्रवृत्ता गन्तुमाकुलाः । कुल्याः कलकलालोलं दोलयन्त्यस्तनुं भुवि ॥ ३६ ॥

prakṣeptumambudhau dehaṃ pravṛttā gantumākulāḥ | kulyāḥ kalakalālolaṃ dolayantyastanuṃ bhuvi || 36 ||

The rivulets with their loose and low purling murmur, and light undulation of their liquid bodies in the ground, are running hurriedly in their sorrow, to cast themselves into the sea.

अशङ्कमशकापातस्पन्दमप्यतिचापलम् । कलयन्त्यः स्थिता वाप्यो निस्पन्दानन्दमात्मनि ॥ ३७ ॥

aśaṅkamaśakāpātaspandamapyaticāpalam | kalayantyaḥ sthitā vāpyo nispandānandamātmani || 37 ||

The ponds are as still in their sorrow, as men sitting in their meditative posture (Samadhi), notwithstanding the disturbance of the gnats flying incessantly upon them.

गायत्किन्नरगन्धर्वविद्याधरसुराङ्गनम् । नूनमद्य नभो जातमस्मत्ताताभ्यलंकृतम् ॥ ३८ ॥

gāyatkinnaragandharvavidyādharasurāṅganam | nūnamadya nabho jātamasmattātābhyalaṃkṛtam || 38 ||

Verily is that part of the heaven adorned this day by the presence of our parents, where the bodies of heavenly choristers, the Kinnaras, Gandharvas and Vidyadharas, welcome them with their music.

तद्देव्यौ क्रियतां तावदस्माकं शोकनाशनम् । महतां दर्शनं नाम न कदाचन निष्फलम् ॥ ३९ ॥

taddevyau kriyatāṃ tāvadasmākaṃ śokanāśanam | mahatāṃ darśanaṃ nāma na kadācana niṣphalam || 39 ||

Therefore, O Devis! assuage this our excessive grief; as the visit of the great never goes for nothing.

इत्युक्तवन्तं सा पुत्रं मूर्ध्नि पस्पर्श पाणिना । पल्लवेनानता नम्रं मूलग्रन्थिमिवाब्जिनी ॥ ४० ॥

ityuktavantaṃ sā putraṃ mūrdhni pasparśa pāṇinā | pallavenānatā namraṃ mūlagranthimivābjinī || 40 ||

Hearing these words, Lila gently touched the head of her son with her hand, as the lotus-bed leans to touch its offshoot by the stalk.

तस्याः स्पर्शेन तेनासौ दुःखदौर्भाग्यसंकटम् । जहौ प्रावृड्घनासङ्गाद्ग्रीष्मतापमिवाचलः ॥ ४१ ॥

tasyāḥ sparśena tenāsau duḥkhadaurbhāgyasaṃkaṭam | jahau prāvṛḍghanāsaṅgādgrīṣmatāpamivācalaḥ || 41 ||

At her touch the boy was relieved of all his sorrow and misfortune, just as the summer heat of the mountain, is allayed by the showers of the rainy season.

सर्वो गृहजनः सोऽथ तयोर्देव्योर्विलोकनात् । लक्ष्मीवान्दुःखनिर्मुक्तो बभूवामृतपो यथा ॥ ४२ ॥

sarvo gṛhajanaḥ so'tha tayordevyorvilokanāt | lakṣmīvānduḥkhanirmukto babhūvāmṛtapo yathā || 42 ||

All others in the house, were as highly gratified at the sight of the goddesses, as when a pauper is relieved of his poverty, and the sick are healed by a draught of nectar.

श्रीराम उवाच । तयास्य लीलया मात्रा पुत्रस्य ज्येष्ठशर्मणः । कस्मान्न दर्शनं दत्तं मोहं तावन्निराकुरु ॥ ४३ ॥

śrīrāma uvāca | tayāsya līlayā mātrā putrasya jyeṣṭhaśarmaṇaḥ | kasmānna darśanaṃ dattaṃ mohaṃ tāvannirākuru || 43 ||

Rama said:—Remove my doubt, sir, why Lila did not appear in her own figure before her eldest son—Jyeshta Sarma.

श्रीवसिष्ठ उवाच । बुद्धः पृथ्व्यादिबोधेन येन पृथ्व्यादिसङ्घकः । तस्य पिण्डात्मतां धत्ते व्योमैवान्यस्य केवलम् ॥ ४४ ॥

śrīvasiṣṭha uvāca | buddhaḥ pṛthvyādibodhena yena pṛthvyādisaṅghakaḥ | tasya piṇḍātmatāṃ dhatte vyomaivānyasya kevalam || 44 ||

Vasishtha answered said:—You forget, O Rama! to think that Lila had a material body, or could assume any at pleasure. She was in her form of pure intellect (lingadeha), and it was with her spiritual hand that she touched the inner spirit of the boy and not his body. (Gloss). Because whoso believes himself to be composed of his earthly body only, is verily confined in that; but he who knows his spirituality, is as free as air:

असदेवाङ्ग सदिव भाति पृथ्व्यादिवेदनात् । यथा बालस्य वेतालो नाभाति तदवेदनात् ॥ ४५ ॥

asadevāṅga sadiva bhāti pṛthvyādivedanāt | yathā bālasya vetālo nābhāti tadavedanāt || 45 ||

Belief in materialism leads one to think his unreal earthly frame as real, as a boy's belief in ghosts makes him take a shadow for a spirit.

यथा पृथ्व्यादिना भातमपृथ्व्यादि भवेत्क्षणात् । स्वप्ने स्वप्नपरिज्ञानात्तथा जाग्रत्यपि स्फुटम् ॥ ४६ ॥

yathā pṛthvyādinā bhātamapṛthvyādi bhavetkṣaṇāt | svapne svapnaparijñānāttathā jāgratyapi sphuṭam || 46 ||

But this belief in one's materiality, is soon over upon conviction of his spirituality; as the traces of our visions in a dream, are effaced on the knowledge of their unreality upon waking.

पृथ्व्यादि खतया बुद्धं खमित्येवानुभूयते । तथाहि क्षुब्धधातूनां कुड्येषु ख इवोद्यमः ॥ ४७ ॥

pṛthvyādi khatayā buddhaṃ khamityevānubhūyate | tathāhi kṣubdhadhātūnāṃ kuḍyeṣu kha ivodyamaḥ || 47 ||

The belief of matter as (vacuous) nothing, leads to the knowledge of the spirit. And as a glass door appears as an open space to one of a bilious temperament, so does matter appear as nothing to the wise.

स्वप्ने नगरमुर्वीं वा शून्यं खातं च बुध्यते । स्वप्राङ्गना च कुरुते शून्याप्यर्थक्रियां नृणाम् ॥ ४८ ॥

svapne nagaramurvīṃ vā śūnyaṃ khātaṃ ca budhyate | svaprāṅganā ca kurute śūnyāpyarthakriyāṃ nṛṇām || 48 ||

A dream presents us the sights of cities and lands, of air and water, where there are no such things in actuality; and it causes the movements of our limbs and bodies (as in somnambulation) for nothing.

खं पृथ्व्यादितया बुद्धं पृथ्व्यादि भवति क्षणात् । मूर्च्छायां परलोकोऽपि प्रत्यक्षमनुभूयते ॥ ४९ ॥

khaṃ pṛthvyāditayā buddhaṃ pṛthvyādi bhavati kṣaṇāt | mūrcchāyāṃ paraloko'pi pratyakṣamanubhūyate || 49 ||

As the air appears as earth in dreaming, so does the non-existent world appear to be existent in waking. It is thus that men see and talk of things unseen and unknown in their fits of delirium.

बालो व्योमैव वेतालं म्रियमाणोऽम्बरे वनम् । केशोण्ड्रकं खमन्यस्तु खमन्यो वेत्ति मौक्तिकम् ॥ ५० ॥

bālo vyomaiva vetālaṃ mriyamāṇo'mbare vanam | keśoṇḍrakaṃ khamanyastu khamanyo vetti mauktikam || 50 ||

So boys see ghosts in the air, and the dying man views a forest in it; others see elephants in clouds, and some see pearls in sun-beams.

त्रस्तक्षीबार्धनिद्राश्च नौयानाश्च सदैव स्ये । वेतालवनवृक्षादि पश्यन्त्यनुभवन्ति च ॥ ५१ ॥

trastakṣībārdhanidrāśca nauyānāśca sadaiva sye | vetālavanavṛkṣādi paśyantyanubhavanti ca || 51 ||

And thus those that are panic-struck and deranged in their minds, the halfwaking and passengers in vessels, see many appearances like the aforesaid ghosts and forests, as seen by boys and men in the air, and betray these signs in the motions and movements of their bodies.

यथाभावितमेतेषां पदार्थानामतो वपुः । अभ्यासजनितं भाति नास्त्येकं परमार्थतः ॥ ५२ ॥

yathābhāvitameteṣāṃ padārthānāmato vapuḥ | abhyāsajanitaṃ bhāti nāstyekaṃ paramārthataḥ || 52 ||

In this manner every one is of the form of whatever he thinks himself to be; and it is habit only that makes him to believe himself as such, though he is not so in reality.

लीलया तु यथावस्तु बुद्ध्वा पृथ्व्यादिनास्तिता । आकाशमेव संवित्त्या भाति भ्रान्तितयोदितम् ॥ ५३ ॥

līlayā tu yathāvastu buddhvā pṛthvyādināstitā | ākāśameva saṃvittyā bhāti bhrāntitayoditam || 53 ||

But Lila who had known the truth and inexistence of the world, was conscious of its nothingness, and viewed all things to be but erroneous conceptions of the mind.

ब्रह्मात्मैकचिदाकाशमात्रबोधवतो मुनेः । पुत्रमित्रकलत्राणि कथं कानि कदा कुतः ॥ ५४ ॥

brahmātmaikacidākāśamātrabodhavato muneḥ | putramitrakalatrāṇi kathaṃ kāni kadā kutaḥ || 54 ||

Thus he who sees Brahma only to fill the sphere of his intellect, has no room for a son or friend or consort to abide in it.

दृश्यमादावनुत्पन्नं यच्च भात्यजमेव तत् । सम्यग्ज्ञानवतामेव रागद्वेषदृशो कृतः ॥ ५५ ॥

dṛśyamādāvanutpannaṃ yacca bhātyajameva tat | samyagjñānavatāmeva rāgadveṣadṛśo kṛtaḥ || 55 ||

He who views the whole as full with the spirit of Brahma, and nothing produced in it, has no room for his affection or hatred to any body in it.

हस्तः शिरसि यद्दत्तो लीलया ज्येष्ठशर्मणः । तत्प्रभावस्थितारम्भसंबोधायाश्चितेः फलम् ॥ ५६ ॥

hastaḥ śirasi yaddatto līlayā jyeṣṭhaśarmaṇaḥ | tatprabhāvasthitārambhasaṃbodhāyāściteḥ phalam || 56 ||

The hand that lila laid on the head of jyeshtha sarma said:—her eldest son, was not lain from her maternal affection for him, but for his edification in intellectual knowledge.

बोधो हि चेतति यथैव तथा शुभानि सूक्ष्मस्तु खादपि तथातितरां विशुद्धः । सर्वत्र राघव स एव पदार्थजालं स्वप्नेषु कल्पितपुरेष्वनुभूतमेतत् ॥ ५७ ॥

bodho hi cetati yathaiva tathā śubhāni sūkṣmastu khādapi tathātitarāṃ viśuddhaḥ | sarvatra rāghava sa eva padārthajālaṃ svapneṣu kalpitapureṣvanubhūtametat || 57 ||

Because the intellect being awakened, there is all felicity attendant upon it. It is more subtile than ether and far purer than vacuum, and leads the intellectual being above the region of air. All things beside are as images in a dream.