41. Chapter 41

श्रीवसिष्ठ उवाच । तयोः प्रविष्टयोर्देव्योः पद्मसद्म बभूव तत् । चन्द्रद्वयोदयोद्द्योतधवलोदरसुन्दरम् ॥ १ ॥

śrīvasiṣṭha uvāca | tayoḥ praviṣṭayordevyoḥ padmasadma babhūva tat | candradvayodayoddyotadhavalodarasundaram || 1 ||

Vasishtha said:—Upon the entrance of the ladies in the tent, it appeared as a bed of lotuses; and its white vault, seemed as graceful as the vault of heaven with two moons rising at once under it.

कोमलामलसौगन्ध्यमृदुमन्दारमारुतम् । तत्प्रभावेन निद्रालुनृपेतरनराङ्गनम् ॥ २ ॥

komalāmalasaugandhyamṛdumandāramārutam | tatprabhāvena nidrālunṛpetaranarāṅganam || 2 ||

A pure and cooling fragrance spread about it, as if wafted by the breeze from the Mandara flowers; and lulled the prince to sleep, with every body lying in their camps.

सौभाग्यनन्दनोद्यानं विद्रुतव्याधिवेदनम् । सवसन्तं वनमिव फुल्लं प्रातीरवाम्बुजम् ॥ ३ ॥

saubhāgyanandanodyānaṃ vidrutavyādhivedanam | savasantaṃ vanamiva phullaṃ prātīravāmbujam || 3 ||

It made the place as pleasant as the garden of Eden (Nandana), and healed all the pains and cares of the people there. It seemed as a vernal garden, filled with the fragrance of the fresh blown lotuses in the morning.

तयोर्देहप्रभापूरैः शशिनिस्यन्दशीतलैः । आह्लादितोऽसौ बुबुधे राजोक्षित इवामृतैः ॥ ४ ॥

tayordehaprabhāpūraiḥ śaśinisyandaśītalaiḥ | āhlādito'sau bubudhe rājokṣita ivāmṛtaiḥ || 4 ||

The cooling and moon-bright radiance of the ladies, roused the prince from his sleep, as if he was sprinkled over with the juice of ambrosia.

आसनद्वयविश्रान्तं स ददर्शाप्सरोद्वयम् । मेरुशृङ्गद्वये चन्द्रबिम्बद्वयमिवोदितम् ॥ ५ ॥

āsanadvayaviśrāntaṃ sa dadarśāpsarodvayam | meruśṛṅgadvaye candrabimbadvayamivoditam || 5 ||

He beheld upon his rising the forms of two fairies (apsaras), seated on two stools, and appearing as two moons risen on two pinnacles of the mount Meru.

निमेषमिव संचिन्त्य स विस्मितमना नृपः । उत्तस्थौ शयनाच्छेषादिव चक्रगदाधरः ॥ २ ॥

nimeṣamiva saṃcintya sa vismitamanā nṛpaḥ | uttasthau śayanāccheṣādiva cakragadādharaḥ || 2 ||

A pure and cooling fragrance spread about it, as if wafted by the breeze from the Mandara flowers; and lulled the prince to sleep, with every body lying in their camps.

परिसंयमितालम्बिमाल्यहाराधराम्बरः । पुष्पाहार इवोत्फुल्लं जग्राह कुसुमाञ्जलिम् ॥ ७ ॥

parisaṃyamitālambimālyahārādharāmbaraḥ | puṣpāhāra ivotphullaṃ jagrāha kusumāñjalim || 7 ||

Then advancing respectfully to them, with long strings of flowers in his hands, he made offerings of them to the ladies, with handfuls of flowers flung at their feet.

उपधानप्रदेशस्थात्स्वयं पटलकोटरात् । बद्धपद्मासनो भूमौ भूत्वोवाचेदमानतः ॥ ८ ॥

upadhānapradeśasthātsvayaṃ paṭalakoṭarāt | baddhapadmāsano bhūmau bhūtvovācedamānataḥ || 8 ||

Leaving his pillowed sofa in the midst of the hall, he sat with his folded legs on the ground;and lowly bending his head, he addressed them saying:—

जयतां जन्मदोस्थित्यदाहदोषशशिप्रभे । देव्यौ बाह्यान्तरतमोविद्रावणरविप्रभे ॥ ९ ॥

jayatāṃ janmadosthityadāhadoṣaśaśiprabhe | devyau bāhyāntaratamovidrāvaṇaraviprabhe || 9 ||

Be victorious, O moon-bright goddesses! that drive away all the miseries and evils and pains and pangs of life, by your radiance, and dispellest all my inward and outward darkness by your sunlike beams.

तयोरुक्त्वेति तत्याज पादयोः कुसुमाञ्जलिम् । तीरद्रुमो विकसितः पद्मिन्यो पद्मयोरिव ॥ १० ॥

tayoruktveti tatyāja pādayoḥ kusumāñjalim | tīradrumo vikasitaḥ padminyo padmayoriva || 10 ||

Saying so he poured handfuls of flowers on their feet, as the trees on the bank of a lake, drop down their flowers on the lotuses growing in it.

लीलायै भूपजन्माथ वक्तुं मन्त्रिणमीश्वरी । बोधयामास पार्श्वस्थं संकल्पेन सरस्वती ॥ ११ ॥

līlāyai bhūpajanmātha vaktuṃ mantriṇamīśvarī | bodhayāmāsa pārśvasthaṃ saṃkalpena sarasvatī || 11 ||

Then the goddess desiring to unfold the pedigree of the prince, inspired his minister, who was lying by, to relate it to Lila.

प्रबुद्धोप्सरसौ दृष्ट्वा प्रणम्य कुसुमाञ्जलिम् । तयोः पादेषु संत्यज्य विवेश पुरतो नतः ॥ १२ ॥

prabuddhopsarasau dṛṣṭvā praṇamya kusumāñjalim | tayoḥ pādeṣu saṃtyajya viveśa purato nataḥ || 12 ||

He upon waking, saw the nymphs manifest before him, and advancing lowly before them, threw handfuls of flowers upon their feet.

उवाच देवी हे राजन्कस्त्वं कस्य सुतः कदा । इह जात इति श्रुत्वा स मन्त्री वाक्यमब्रवीत् ॥ १३ ॥

uvāca devī he rājankastvaṃ kasya sutaḥ kadā | iha jāta iti śrutvā sa mantrī vākyamabravīt || 13 ||

The goddess said:—Let us know, O prince! who you are and when and of whom you are born herein. Hearing these words of the goddess, the minister spake saying:—

देव्यौ युष्मत्प्रसादोऽयं भवत्योरपि यत्पुरः । वक्तुं शक्नोमि तद्देव्यौ श्रूयेतां जन्म मत्प्रभोः ॥ १४ ॥

devyau yuṣmatprasādo'yaṃ bhavatyorapi yatpuraḥ | vaktuṃ śaknomi taddevyau śrūyetāṃ janma matprabhoḥ || 14 ||

It is by your favour, O gracious goddesses! that I am empowered to give a relation of my prince's genealogy to your benign graces.

आसीदिक्ष्वाकुवंशोत्थो राजा राजीवलोचनः । श्रीमान्कुन्दरथो नाम दोश्छायाच्छादितावनिः ॥ १५ ॥

āsīdikṣvākuvaṃśottho rājā rājīvalocanaḥ | śrīmānkundaratho nāma dośchāyācchāditāvaniḥ || 15 ||

There was a sovereign, born of the imperial line of Ixaku, by name of Mukunda-ratha, who had subjugated the earth under his arms.

तस्याभूदिन्दुवदनः पुत्रो भद्ररथाभिधः । तस्य विश्वरथः पुत्रस्तस्य पुत्रो बृहद्रथः ॥ १६ ॥

tasyābhūdinduvadanaḥ putro bhadrarathābhidhaḥ | tasya viśvarathaḥ putrastasya putro bṛhadrathaḥ || 16 ||

He had a moon-faced son by name of Bhadraratha; whose son Viswaratha was father to the renowned prince Brihadratha.

तस्य सिन्धुरथः पुत्रस्तस्य शैलरथः सुतः । तस्य कामरथः पुत्रस्तस्य पुत्रो महारथः ॥ १७ ॥

tasya sindhurathaḥ putrastasya śailarathaḥ sutaḥ | tasya kāmarathaḥ putrastasya putro mahārathaḥ || 17 ||

His son Sindhuratha was the father of Sailaratha, and his son Kamaratha was father of Maharatha.

तस्य विष्णुरथः पुत्रस्तस्य पुत्रो नभोरथः । अयमस्मत्प्रभुस्तस्य पुत्रः पूर्णामलाकृतिः ॥ १८ ॥

tasya viṣṇurathaḥ putrastasya putro nabhorathaḥ | ayamasmatprabhustasya putraḥ pūrṇāmalākṛtiḥ || 18 ||

His son Vishnuratha was father of Nabhoratha, who gave birth to this my lord of handsome appearance.

अमृतापूरितजनः क्षीरोदस्येव चन्द्रमाः । महद्भिः पुण्यसंभारैर्विदूरथ इति श्रुतः ॥ १९ ॥

amṛtāpūritajanaḥ kṣīrodasyeva candramāḥ | mahadbhiḥ puṇyasaṃbhārairvidūratha iti śrutaḥ || 19 ||

He is renowned as Viduratha, and is born with the great virtues of his sire, as the moon was produced of the milky ocean, to shed his ambrosial beams over his people.

जातो मातुः सुमित्राया गौर्या गुह इवापरः । पितास्य दशवर्षस्य दत्त्वा राज्यं वनं गतः ॥ २० ॥

jāto mātuḥ sumitrāyā gauryā guha ivāparaḥ | pitāsya daśavarṣasya dattvā rājyaṃ vanaṃ gataḥ || 20 ||

He was begotten by his mother Sumitra, as the god Guha of Gauri; and was installed in the realm at the tenth year of his age, owing to his father's betaking himself to asceticism.

पालयत्येष भूपीठं ततः प्रभृति धर्मतः । भवत्यावद्यसंप्राप्ते फलिते सुकृतद्रुमे ॥ २१ ॥

pālayatyeṣa bhūpīṭhaṃ tataḥ prabhṛti dharmataḥ | bhavatyāvadyasaṃprāpte phalite sukṛtadrume || 21 ||

He has been ruling the realm since that time with justice; and your appearance here to night, betokens the blossoming of his good fortune.

देव्यौ दीर्घतपःक्लेशशतैर्दुष्प्रापदर्शने । इत्ययं वसुधाधीशो विदूरथ इति श्रुतः ॥ २२ ॥

devyau dīrghatapaḥkleśaśatairduṣprāpadarśane | ityayaṃ vasudhādhīśo vidūratha iti śrutaḥ || 22 ||

O goddesses! whose presence is hard to be had, even by the merit of long devotion, and a hundred austerities, you see here the lord of the earth-famed Viduratha, present before you.

अद्य युष्मत्प्रसादेन परां पावनतां गतः । इत्युक्त्वा संस्थिते तूष्णीं मन्त्रिण्यवनिपे तथा ॥ २३ ॥

adya yuṣmatprasādena parāṃ pāvanatāṃ gataḥ | ityuktvā saṃsthite tūṣṇīṃ mantriṇyavanipe tathā || 23 ||

He is highly blessed to-day by your favour. After saying these words, the minister remained silent with the lord of the earth.

कृताञ्जलौ नतमुखे बद्धपद्मासनेऽवनौ । राजन्स्मर विवेकेन पूर्वजातिमिति स्वयम् ॥ २४ ॥

kṛtāñjalau natamukhe baddhapadmāsane'vanau | rājansmara vivekena pūrvajātimiti svayam || 24 ||

They were sitting on the ground with their folded legs (padmasana), and clasped hands (kritanjali), and downcast looks; when the goddess of wisdom told the prince, to remember his former births, by her inspiration.

वदन्ती मूर्ध्नि पस्पर्श तं करेण सरस्वती । अथ हार्दं तमो मायापद्मस्य क्षयमाययौ ॥ २५ ॥

vadantī mūrdhni pasparśa taṃ kareṇa sarasvatī | atha hārdaṃ tamo māyāpadmasya kṣayamāyayau || 25 ||

So saying, she touched his head with her hand, and immediately the dark veil of illusion and oblivion was dispersed from over the lotus of his mind.

सुविकासं च हृदयं ज्ञप्तिस्पर्शोदयेऽभवत् । सस्मार पूर्ववृत्तान्तमन्तः स्फुरदिव स्थितम् ॥ २६ ॥

suvikāsaṃ ca hṛdayaṃ jñaptisparśodaye'bhavat | sasmāra pūrvavṛttāntamantaḥ sphuradiva sthitam || 26 ||

It opened as a blossom by the touch of the genius of intelligence, and became as bright as the clear firmament, with the rays of his former reminiscence.

त्यक्तदेहैकराज्यत्वं लीलाविलसितान्वितम् । ज्ञात्वा प्रज्ञप्तिवृत्तान्तं लीलायास्तु विजृम्भितम् ॥ २७ ॥

tyaktadehaikarājyatvaṃ līlāvilasitānvitam | jñātvā prajñaptivṛttāntaṃ līlāyāstu vijṛmbhitam || 27 ||

He remembered by his intelligence his former kingdom, of which he had been the sole lord, and recollected all his past sports with Lila.

आत्मोदन्तं बभूवासावुह्यमान इवार्णवे । उवाचात्मनि संसारे बत मायेयमातता ॥ २८ ॥

ātmodantaṃ babhūvāsāvuhyamāna ivārṇave | uvācātmani saṃsāre bata māyeyamātatā || 28 ||

He was led away by the thoughts of the events of his past lives, as one is carried away by the current of waves, and reflected in himself, this world to be a magic sea of illusion.

परिज्ञाता प्रसादेन देव्योरिह मयाधुना । राजोवाच । हे देव्यौ किमिदं नाम दिनमेकं मृतस्य मे ॥ २९ ॥

parijñātā prasādena devyoriha mayādhunā | rājovāca | he devyau kimidaṃ nāma dinamekaṃ mṛtasya me || 29 ||

He said: I have come to know this by the favour of the goddesses, but how is it that so many events have occurred to me in course of one day after my death.

गतमद्येह जातानि वयो वर्षाणि सप्ततिः । स्मराम्यनेककार्याणि स्मरामि प्रपितामहम् ॥ ३० ॥

gatamadyeha jātāni vayo varṣāṇi saptatiḥ | smarāmyanekakāryāṇi smarāmi prapitāmaham || 30 ||

Here I have passed full seventy years of my lifetime, and recollect to have done many works, and remember also to have seen my grand-sire.

स्मरामि बाल्यं तारुण्यं मित्रं बन्धुपरिच्छदम् । ज्ञप्तिरुवाच । राजन्मृतिमहामोहमूर्च्छायाः समनन्तरम् ॥ ३१ ॥

smarāmi bālyaṃ tāruṇyaṃ mitraṃ bandhuparicchadam | jñaptiruvāca | rājanmṛtimahāmohamūrcchāyāḥ samanantaram || 31 ||

I recollect the bygone days of my boyhood and youth, and I remember well all the friends and relatives and all the apparels and suite, that I had before.

तस्मिँल्लोकान्तरेऽतीते तस्मिन्नेव मुहूर्तके । तस्मिन्नेव गृहे चास्मिन्नेव व्योम्न्यपि सद्मनि ॥ ३२ ॥

tasmiṃllokāntare'tīte tasminneva muhūrtake | tasminneva gṛhe cāsminneva vyomnyapi sadmani || 32 ||

The goddess replied:—Know O king! that after the fit of insensibility attending on your death was over, your soul continued to remain in the vacuum of the same place, of which you are still a resident.

अयं तस्य गृहस्यान्तर्व्योमन्येव किल स्थिते । गिरिग्रामकविप्रस्य गृहेऽन्तर्भूप मण्डपः ॥ ३३ ॥

ayaṃ tasya gṛhasyāntarvyomanyeva kila sthite | girigrāmakaviprasya gṛhe'ntarbhūpa maṇḍapaḥ || 33 ||

This royal pavilion, where you think yourself to abide, is situated in the vacuous space, within the house of the Brahman in that hilly district.

तस्यान्तरेऽयमाभाति प्रत्येकं च जगद्गृहम् । किल ब्राह्मणगेहान्तर्जीवस्ते मदुपास्थितः ॥ ३४ ॥

tasyāntare'yamābhāti pratyekaṃ ca jagadgṛham | kila brāhmaṇagehāntarjīvaste madupāsthitaḥ || 34 ||

It is inside that house that you see the appearances of your other abodes present before you: and it was in that Brahmana's house, that you devoted your life to my worship.

तत्रैव तस्य भूपीठं तस्मिंश्च किल मण्डपे । तस्यैव च गृहस्यान्तरिदं संसारमण्डलम् ॥ ३५ ॥

tatraiva tasya bhūpīṭhaṃ tasmiṃśca kila maṇḍape | tasyaiva ca gṛhasyāntaridaṃ saṃsāramaṇḍalam || 35 ||

It is the shrine within the very house and on the same spot, that contains the whole world which you are seeing all about you.

तन्नैवेदं तव गृहं स्थितमारम्भमन्थरम् । तत्रैव चेतसि तव निर्मलाकाशनिर्मले ॥ ३६ ॥

tannaivedaṃ tava gṛhaṃ sthitamārambhamantharam | tatraiva cetasi tava nirmalākāśanirmale || 36 ||

This abode of yours is situated in the same place, and within the clear firmament of your mind.

प्रतिभामागतमिदं व्यवहारभ्रमाततम् । यथेदं नाम मे जन्म तथेक्ष्वाकुकुलं मम ॥ ३७ ॥

pratibhāmāgatamidaṃ vyavahārabhramātatam | yathedaṃ nāma me janma tathekṣvākukulaṃ mama || 37 ||

It is a false notion of your mind, which you have gained by your habitual mode of thinking, that you are born in your present state, of the race of Ixaku.

एवंनामान एते मे पुराभूवन्पितामहाः । जातोऽहमभवं बालो दशवर्षस्य मे पिता ॥ ३८ ॥

evaṃnāmāna ete me purābhūvanpitāmahāḥ | jāto'hamabhavaṃ bālo daśavarṣasya me pitā || 38 ||

It is mere imagination, which has made you to suppose yourself to be named so and so, and that such and such persons were your progenitors, and that you had been a boy of ten years.

परिव्राड्विपिनं यात इह राज्येऽभिषिच्य माम् । ततो दिग्विजयं कृत्वा कृत्वा राज्यमकण्टकम् ॥ ३९ ॥

parivrāḍvipinaṃ yāta iha rājye'bhiṣicya mām | tato digvijayaṃ kṛtvā kṛtvā rājyamakaṇṭakam || 39 ||

That your father became an ascetic in the woods, and left you in the government of the realm. And that you have subjugated many countries under your dominion, and are now reigning as the lord paramount over them.

अमीभिर्मन्त्रिभिः पौरैः पालयामि वसुन्धराम् । यज्ञक्रियाक्रमवतो धर्मे पालयतः प्रजाः ॥ ४० ॥

amībhirmantribhiḥ pauraiḥ pālayāmi vasundharām | yajñakriyākramavato dharme pālayataḥ prajāḥ || 40 ||

And that you are ruling on earth with these ministers and officers of yours, and are observant of the sacrificial rites, and a just ruler of your subjects.

वयसः समतीतानि मम वर्षाणि सप्ततिः । इदं परबलं प्राप्तं मम दारुणविग्रहः ॥ ४१ ॥

vayasaḥ samatītāni mama varṣāṇi saptatiḥ | idaṃ parabalaṃ prāptaṃ mama dāruṇavigrahaḥ || 41 ||

You think that you have passed seventy years of your life, and that you are now beset by very formidable enemies.

युद्धं कृत्वेदमायातो गृहमस्मिन्यथास्थितम् । इमे देव्यौ गृहे प्राप्ते ममैते पूजयाम्यहम् ॥ ४२ ॥

yuddhaṃ kṛtvedamāyāto gṛhamasminyathāsthitam | ime devyau gṛhe prāpte mamaite pūjayāmyaham || 42 ||

And that having waged a furious battle, you have returned to this abode of yours, where you are now seated and intend to adore the goddesses, that have become your guests herein.

पूजिता हि प्रयच्छन्ति देवताः स्वसमीहितम् । ममेयमेतयोरेका ज्ञानं जातिस्मृतिप्रदम् ॥ ४३ ॥

pūjitā hi prayacchanti devatāḥ svasamīhitam | mameyametayorekā jñānaṃ jātismṛtipradam || 43 ||

You are thinking that these goddesses will bless you with your desired object, because one of them has given you the power of recollecting the events of your former births.

इह दत्तवती देवी भाब्जस्येव विकासनम् । इदानीं कृतकृत्योऽस्मि जातोऽस्मि गतसंशयः ॥ ४४ ॥

iha dattavatī devī bhābjasyeva vikāsanam | idānīṃ kṛtakṛtyo'smi jāto'smi gatasaṃśayaḥ || 44 ||

That these goddesses have opened your understanding like the blossom of a lotus, and that you have the prospect of getting your riddance from all doubts.

शाम्यामि परिनिर्वामि सुखमासे च केवलम् । इतीयमातता भ्रान्तिर्भवतो भूरिसंभ्रमा ॥ ३ ॥

śāmyāmi parinirvāmi sukhamāse ca kevalam | itīyamātatā bhrāntirbhavato bhūrisaṃbhramā || 3 ||

It made the place as pleasant as the garden of Eden (Nandana), and healed all the pains and cares of the people there. It seemed as a vernal garden, filled with the fragrance of the fresh blown lotuses in the morning.

नानाचारविहाराढ्या सलोकान्तरसंचरा । यस्मिन्नेव मुहूर्ते त्वं मृतिमभ्यागतः पुरा ॥ ४६ ॥

nānācāravihārāḍhyā salokāntarasaṃcarā | yasminneva muhūrte tvaṃ mṛtimabhyāgataḥ purā || 46 ||

You remember the many acts and enjoyments of your past life, in the body of prince Padma, before you were snatched away by the hand of death.

तदैव प्रतिभैषा ते स्वयमेवोदिता हृदि । एकामावर्तचलनां त्यक्त्वा दत्ते यथाऽपराम् ॥ ४७ ॥

tadaiva pratibhaiṣā te svayamevoditā hṛdi | ekāmāvartacalanāṃ tyaktvā datte yathā'parām || 47 ||

You now perceive in your mind, that your present life is but a shadow of the former, as it is the same wave, that carries one onward, by its rise and fall.

क्षिप्रमेव नदीवाहो वित्प्रवाहस्तथैव च । आवर्तान्तरसंमिश्रो यथावर्तः प्रवर्तते ॥ ४८ ॥

kṣiprameva nadīvāho vitpravāhastathaiva ca | āvartāntarasaṃmiśro yathāvartaḥ pravartate || 48 ||

The incessant current of the mind flows as the stream of a river, and leads a man, like a weed, from one whirlpool into another.

कदाचिदेवं सर्गश्रीर्मिश्राऽमिश्रा च वर्धते । तस्मिन्मृतिमुहूर्ते ते प्रतिभानमुपागतम् ॥ ४९ ॥

kadācidevaṃ sargaśrīrmiśrā'miśrā ca vardhate | tasminmṛtimuhūrte te pratibhānamupāgatam || 49 ||

The course of life now runs singly as in dreaming, and now conjointly with the body as in the waking state, both of which leave their traces in the mind, at the hour of death.

एतज्जालमसद्रूपं चिद्भानोः समुपस्थितम् । यथा स्वप्नमुहूर्तेऽन्तः संवत्सरशतभ्रमः ॥ ५० ॥

etajjālamasadrūpaṃ cidbhānoḥ samupasthitam | yathā svapnamuhūrte'ntaḥ saṃvatsaraśatabhramaḥ || 50 ||

The sun of the intellect being hid under the mist of ignorance, there arises this network of the erroneous world, which makes a moment appear as a period of hundred years.

यथा संकल्पनिर्माणे जीवनं मरणं पुनः । यथा गन्धर्वनगरे कुड्यमण्डनवेदनम् ॥ ५१ ॥

yathā saṃkalpanirmāṇe jīvanaṃ maraṇaṃ punaḥ | yathā gandharvanagare kuḍyamaṇḍanavedanam || 51 ||

Our lives and deaths are mere phantoms of imagination, as we imagine houses and towers in aerial castles and icebergs.

यथा नौयानसंरम्भे वृक्षपर्वतवेपनम् । यथा स्वधातुसंक्षोभे पूर्वपर्वतनर्तनम् ॥ ५२ ॥

yathā nauyānasaṃrambhe vṛkṣaparvatavepanam | yathā svadhātusaṃkṣobhe pūrvaparvatanartanam || 52 ||

The world is an illusion, like the delusion of moving banks and trees to a passenger in a vessel on water, or a rapid vehicle on land;or as the trembling of a mountain or quaking of the earth, to one affected by a convulsive disease.

यथा समञ्जसं स्वप्ने स्वशिरःप्रविकर्तनम् । मिथ्यैवैवमियं प्रौढा भ्रान्तिराततरूपिणी ॥ ५३ ॥

yathā samañjasaṃ svapne svaśiraḥpravikartanam | mithyaivaivamiyaṃ prauḍhā bhrāntirātatarūpiṇī || 53 ||

As one sees extraordinary things in his dream, such as the decapitation of his own head; so he views the illusions of the world, which can hardly be true.

वस्तुतस्तु न जातोऽसि न मृतोऽसि कदाचन । शुद्धविज्ञानरूपस्त्वं शान्त आत्मनि तिष्ठसि ॥ ५४ ॥

vastutastu na jāto'si na mṛto'si kadācana | śuddhavijñānarūpastvaṃ śānta ātmani tiṣṭhasi || 54 ||

In reality you were neither born nor dead at any time or place; but ever remain as pure intelligence in your own tranquility of soul.

पश्यसीवैतदखिलं न च पश्यसि किंचन । सर्वात्मकतया नित्यं प्रकचस्यात्मनात्मनि ॥ ५५ ॥

paśyasīvaitadakhilaṃ na ca paśyasi kiṃcana | sarvātmakatayā nityaṃ prakacasyātmanātmani || 55 ||

You seem to see all things about you, but you see nothing real in them; it is your all seeing soul, that sees every thing in itself.

महामणिरिवोदार आलोक इव भास्वरः । वस्तुतस्तु न भूपीठमिदं न च भवानयम् ॥ ५६ ॥

mahāmaṇirivodāra āloka iva bhāsvaraḥ | vastutastu na bhūpīṭhamidaṃ na ca bhavānayam || 56 ||

The soul shines as a brilliant gem by its own light, and nothing that appears beside it, as this earth or yourself or any thing else, is a reality.

न चेमे गिरयो ग्रामा न चैते न च वै वयम् । गिरिग्रामकविप्रस्य मण्डपाकाशके किल ॥ ५७ ॥

na ceme girayo grāmā na caite na ca vai vayam | girigrāmakaviprasya maṇḍapākāśake kila || 57 ||

These hills and cities, these people and things, and ourselves also, are all unreal and mere phantoms, appearing in the hollow vault of the Brahmana of the hilly district.

तल्लीलाभर्तृदाराढ्यं जगदाभाति भास्वरम् । तत्र लीलाराजधानी मण्डपामण्डिताकृतिः ॥ ५८ ॥

tallīlābhartṛdārāḍhyaṃ jagadābhāti bhāsvaram | tatra līlārājadhānī maṇḍapāmaṇḍitākṛtiḥ || 58 ||

The kingdom of Lila's husband, was but a picture of this earth, and his palace with all its grandeur, is contained in the sphere of the same hollow shrine.

भाति तस्योदरे व्योम्नि तदेवं विदितं जगत् । तस्मिञ्जगति गेहेऽन्तर्यस्मिन्वयमिह स्थिताः ॥ ५९ ॥

bhāti tasyodare vyomni tadevaṃ viditaṃ jagat | tasmiñjagati gehe'ntaryasminvayamiha sthitāḥ || 59 ||

The known world is contained in the vacuous sphere of that shrine, and it is in one corner of this mundane habitation, that all of us here, are situated.

एवं तेषां मण्डपानां व्योमाव्योमैव निर्मलम् । तथैव मण्डपेष्वस्ति न मही न च पत्तनम् ॥ ६० ॥

evaṃ teṣāṃ maṇḍapānāṃ vyomāvyomaiva nirmalam | tathaiva maṇḍapeṣvasti na mahī na ca pattanam || 60 ||

The sphere of this vaulted shrine, is as clear as vacuity itself, which has no earth nor habitation in it.

न वनानि न शैलौघा न मेघसरिदर्णवाः । केवलं तत्र निःशून्ये विहरन्ति गृहे जनाः ॥ ६१ ॥

na vanāni na śailaughā na meghasaridarṇavāḥ | kevalaṃ tatra niḥśūnye viharanti gṛhe janāḥ || 61 ||

It is without any forest, hill, sea or river, and yet all beings are found to rove about in this empty and homeless abode.

न पश्यन्ति जना नापि पार्थिवा न च भूधराः । विदूरथ उवाच । एवं चेत्तत्कथं देवि ममेहानुचरा इमे ॥ ६२ ॥

na paśyanti janā nāpi pārthivā na ca bhūdharāḥ | vidūratha uvāca | evaṃ cettatkathaṃ devi mamehānucarā ime || 62 ||

Here there are no kings, nor their retinue, nor any thing that they have on earth. Viduratha asked:—If it is so, then tell me goddess! how I happened to have these dependants here?

संपन्ना आत्मना सन्ति ते किमात्मनि नोऽथवा । जगत्स्वप्नार्थवद्भाति तस्य स्वप्ननरादयः ॥ ६३ ॥

saṃpannā ātmanā santi te kimātmani no'thavā | jagatsvapnārthavadbhāti tasya svapnanarādayaḥ || 63 ||

A man is rich in his own mind and spirit, and is it not so ordained by the Divine mind and spirit also? If not, then the world must appear as a mere dream, and all these men and things are but creatures of our dreams.

कथमात्मनि सत्याः स्युर्न सत्या वेति मे वद । श्रीसरस्वत्युवाच । राजन्विदितवेद्येषु शुद्धबोधैकरूपिषु ॥ ६४ ॥

kathamātmani satyāḥ syurna satyā veti me vada | śrīsarasvatyuvāca | rājanviditavedyeṣu śuddhabodhaikarūpiṣu || 64 ||

Tell me goddess, what things are spiritually true and false, and how are we to distinguish the one from the other.

न किंचिदेतत्सद्रूपं चिद्व्योमात्मसु जागतम् । शुद्धबोधात्मनो भाति कृतो नाम जगद्भ्रमः ॥ ६५ ॥

na kiṃcidetatsadrūpaṃ cidvyomātmasu jāgatam | śuddhabodhātmano bhāti kṛto nāma jagadbhramaḥ || 65 ||

Sarasvati answered said:—Know prince that, those who have known the only knowable one, and are assimilated to the nature of pure understanding, view nothing as real in the world, except the vacuous intellect within themselves.

रज्ज्वां सर्पभ्रमे शान्ते पुनः सर्पभ्रमः कुतः । असद्भावे परिज्ञाते कुतः सत्ता जगद्भ्रमे ॥ ६६ ॥

rajjvāṃ sarpabhrame śānte punaḥ sarpabhramaḥ kutaḥ | asadbhāve parijñāte kutaḥ sattā jagadbhrame || 66 ||

The misconception of the serpent in a rope being removed, the fallacy of the rope is removed also; so the unreality of the world being known, the error of its existence, also ceases to exist.

परिज्ञाते मृगजले पुनर्जलमतिः कुतः । स्वप्नकाले परिज्ञाते स्वे स्वप्नमरणं कुतः । स्वस्वप्ने स्वप्नमृतिभीरमृतस्यैव जायते ॥ ६७ ॥

parijñāte mṛgajale punarjalamatiḥ kutaḥ | svapnakāle parijñāte sve svapnamaraṇaṃ kutaḥ | svasvapne svapnamṛtibhīramṛtasyaiva jāyate || 67 ||

Knowing the falsity of water in the mirage, no one thirsts after it any more, so knowing the falsehood of dreams, no one thinks himself dead as he had dreamt. The fear of dreaming death may overtake the dying, but it can never assail the living in his dream.

बुद्धस्य शुद्धस्य शरन्नभःश्रीः स्वच्छावदातातितताशयस्य । अहं जगच्चेति कुशब्दकार्थो न वस्तुतः सोऽङ्ग हि वाचिकं तत् ॥ ६८ ॥

buddhasya śuddhasya śarannabhaḥśrīḥ svacchāvadātātitatāśayasya | ahaṃ jagacceti kuśabdakārtho na vastutaḥ so'ṅga hi vācikaṃ tat || 68 ||

He whose soul is enlightened with the clear light of the autumnal moon of his pure intellect, is never misled to believe his own existence or that of others, by the false application of the terms I, thou, this &c.

इत्युक्तवत्यथ मुनौ दिवसो जगाम सायंतनाय विधयेऽस्तमिनो जगाम । स्नातुं सभा कृतनमस्करणा जगाम श्यामाक्षये रविकरैश्च सहाजगाम ॥ ६९ ॥

ityuktavatyatha munau divaso jagāma sāyaṃtanāya vidhaye'stamino jagāma | snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 69 ||

As the sage was sermonizing in this manner, the day departed to its evening service with the setting sun. The assembly broke with mutual greetings to perform their ablutions, and it met again with the rising sun, after dispersion of the gloom of night.