51. Chapter 51

श्रीवसिष्ठ उवाच । परिदीर्घासु तन्वीषु सुतीक्ष्णासु सितासु च । क्षुरधारोपमानासु चित्तवृत्तिषु तिष्ठ मा ॥ १ ॥

śrīvasiṣṭha uvāca | paridīrghāsu tanvīṣu sutīkṣṇāsu sitāsu ca | kṣuradhāropamānāsu cittavṛttiṣu tiṣṭha mā || 1 ||

Vasishtha said:—Rely no confidence, O Rama! in the course of the mind, which is sometimes continuous and sometimes momentary, now even and flat and then sharp and acute, and often as treacherous as the edge of a razor.

कालेन महता क्षेत्रे जातेयं बुद्धिवल्लरी । वृद्धिं विवेकसेकेन नय तां नयकोविद ॥ २ ॥

kālena mahatā kṣetre jāteyaṃ buddhivallarī | vṛddhiṃ vivekasekena naya tāṃ nayakovida || 2 ||

As it occurs in the course of a long time, that the germ of intelligence comes to sprout forth in the field of the mind; so do you, O Rama! who are a moralist, grow it by sprinkling the cold water of reason over its tender blades.

यावन्म्लायति नो कायलतिका कालभास्वता । भूतलेऽपतितां तावदेनामुद्धृत्य धारय ॥ ३ ॥

yāvanmlāyati no kāyalatikā kālabhāsvatā | bhūtale'patitāṃ tāvadenāmuddhṛtya dhāraya || 3 ||

As long as the body of the plant does not fade away in course of time, nor roll upon the ground as the decayed and dead body of man; so long should you hold it up upon the prop of reason.

मद्वाक्यार्थैकतत्त्वज्ञ मद्वाक्यार्थैकभावनात् । सुखमाप्नोषि सर्पारिर्यथाभ्ररवभावनात् ॥ ४ ॥

madvākyārthaikatattvajña madvākyārthaikabhāvanāt | sukhamāpnoṣi sarpāriryathābhraravabhāvanāt || 4 ||

Knowing the truth of my sayings, and pondering on the deep sense of these sayings of mine, you will get a delight in your inmost soul, as the serpent killing peacock, is ravished at the deep roaring of raining clouds.

उद्दालकवदालूनं विशीर्णं भूतपञ्चकम् । कृत्वा कृत्वा धिया धीरधीरयान्तर्विचारय ॥ ५ ॥

uddālakavadālūnaṃ viśīrṇaṃ bhūtapañcakam | kṛtvā kṛtvā dhiyā dhīradhīrayāntarvicāraya || 5 ||

Do you, like the sage Uddalaka, shake off your knowledge of quintuple materiality as the cause of all creation, and accustom yourself to think deeper, and on the prime cause of causes by your patient inquiry and reasoning.

श्रीराम उवाच । केन क्रमेण भगवन्मुनिनोद्दालकेन तत् । भूतपञ्चकमालूनं कृत्वान्तः प्रविचारितम् ॥ ६ ॥

śrīrāma uvāca | kena krameṇa bhagavanmuninoddālakena tat | bhūtapañcakamālūnaṃ kṛtvāntaḥ pravicāritam || 6 ||

Rama requested said:—Tell me sir, in what way the sagely Uddalaka got rid of his thoughts of the quintessential creation, and penetrated deeper into the original cause of all, by the force and process of his reasoning.

श्रीवसिष्ठ उवाच । श्रृणु राम यथापूर्वं भूतवृन्दविचारणात् । उद्दालकेन संप्राप्ता परमा दृष्टिरक्षता ॥ ७ ॥

śrīvasiṣṭha uvāca | śrṛṇu rāma yathāpūrvaṃ bhūtavṛndavicāraṇāt | uddālakena saṃprāptā paramā dṛṣṭirakṣatā || 7 ||

Vasishtha replied:—Learn Rama, how the sage Uddalaka of old, rose higher from his investigation of quintuple matter to his inquiry into their cause, and the manner in which that transcendent light dawned upon his mind.

जगज्जीर्णगृहस्यास्य कोणे कस्मिंश्चिदातते । भूमेरनिलदिग्नाम्नि भूभृद्भाण्डसमाकुले ॥ ८ ॥

jagajjīrṇagṛhasyāsya koṇe kasmiṃścidātate | bhūmeraniladignāmni bhūbhṛdbhāṇḍasamākule || 8 ||

It was in some spacious corner of the old mansion of this world, and on the northwest side of this land, a spot of rugged hills and overtopping it as a shed.

गन्धमादनशैलेन्द्रनाम्नि काचित्किल स्थली । विद्यते कीर्णकुसुमा द्रुमकर्पूरकेसरा ॥ ९ ॥

gandhamādanaśailendranāmni kācitkila sthalī | vidyate kīrṇakusumā drumakarpūrakesarā || 9 ||

Among these stood the high hill of Gandhamadana with a table land on it, which was full of camphor arbours, that shed the odours of their flowers and pistils continually on the ground.

विचित्रवर्णविहगा नानावल्लीविलासिनी । वनेचरव्याप्ततटी पुष्पकेसरभासिनी ॥ १० ॥

vicitravarṇavihagā nānāvallīvilāsinī | vanecaravyāptataṭī puṣpakesarabhāsinī || 10 ||

This spot was frequented by birds of variegated hues, and filled with plants of various kinds. Its banks were beset by wild beasts, and fraught with flowers shining smilingly over the woodland scene.

क्वचित्स्फीतमहारत्ना क्वचिल्लोलाम्बुजोत्पला । क्वचिन्नीहारकबरी सरसीदर्पणा क्वचित् ॥ ११ ॥

kvacitsphītamahāratnā kvacillolāmbujotpalā | kvacinnīhārakabarī sarasīdarpaṇā kvacit || 11 ||

There were the bright swelling gems in some part of it, and the blooming and full blown lotuses on another; some parts of it were veiled by tufts of snow, and crystal streams gliding as glassy mirrors on others.

तत्र कस्मिंश्चिदुदिते सानौ सरलपादपे । आगुल्फाकीर्णकुसुमे स्निग्धच्छायमहाद्रुमे ॥ १२ ॥

tatra kasmiṃścidudite sānau saralapādape | āgulphākīrṇakusume snigdhacchāyamahādrume || 12 ||

Here on the elevated top a big cliff of this hill, which was studded with sarala trees, and strewn over with flowers up to the heels, and shaded by the cooling umbrage of lofty trees:—

उद्दालको नाम मुनिर्मौनी मानी महामतिः । अप्राप्तयौवनः पूर्वमुवासोद्दामतापसः ॥ १३ ॥

uddālako nāma munirmaunī mānī mahāmatiḥ | aprāptayauvanaḥ pūrvamuvāsoddāmatāpasaḥ || 13 ||

There lived the silent sage by name of Uddalaka, a youth of a great mind, and with high sense of his honour. He had not yet attained his maturity, ere he betook himself to the course of his rigorous austerity.

प्रथमं तु बभूवासावल्पप्रज्ञो विचारवान् । अप्राप्तपदविश्रान्तिरप्रबुद्धः शुभाशयः ॥ १४ ॥

prathamaṃ tu babhūvāsāvalpaprajño vicāravān | aprāptapadaviśrāntiraprabuddhaḥ śubhāśayaḥ || 14 ||

On the first development of his intellect, he had the light of reason dawning upon his mind; and he was awakened to noble aims and expectations, instead of arriving at the state of rest and quietude.

ततः क्रमेण तपसा शास्त्रार्थनियमैः क्रमैः । विवेक आजगामैनं नवर्तुरिव भूतलम् ॥ १५ ॥

tataḥ krameṇa tapasā śāstrārthaniyamaiḥ kramaiḥ | viveka ājagāmainaṃ navarturiva bhūtalam || 15 ||

As he went on in this manner in his course of austerities, religious studies and observance of his holy rites and duties, the genius of right reason appeared before him, as the new year presents itself before the face of the world.

अथेमं चिन्तयामास संसारामयभीरुधीः । एकान्त एव निवसन्कदाचित्कान्तमानसः ॥ १६ ॥

athemaṃ cintayāmāsa saṃsārāmayabhīrudhīḥ | ekānta eva nivasankadācitkāntamānasaḥ || 16 ||

He then began to cogitate in himself in the following manner, sitting aside as he was in his solitude, weary with thoughts and terrified at the ever changing state of the world.

किं तत्प्राप्यं प्रधानं स्याद्यद्विश्रान्तौ न शोच्यते । यत्प्राप्य जन्मना भूयः संबन्धो नोपजायते ॥ १७ ॥

kiṃ tatprāpyaṃ pradhānaṃ syādyadviśrāntau na śocyate | yatprāpya janmanā bhūyaḥ saṃbandho nopajāyate || 17 ||

What is that best of gains, said he, which being once obtained, there is nothing more to be expected to lead us to our rest, and which being once had, we have no more to do with our transmigrations in this world?

कदाहं त्यक्तमनने पदे परमपावने । चिरं विश्रान्तिमेष्यामि मेरुश्रृङ्ग इवाम्बुदः ॥ १८ ॥

kadāhaṃ tyaktamanane pade paramapāvane | ciraṃ viśrāntimeṣyāmi meruśrṛṅga ivāmbudaḥ || 18 ||

When shall I find my permanent rest in that state of holy and transcendent thoughtlessness, and remain above all the rest, as a cloud rests over the top of the Sumeru mountain, or as the polar star stands above the pole without changing its pace.

कदा शममुपैष्यन्ति ममान्तर्भोगसंविदः । आलोलकल्लोलरवा ऊर्मयोऽम्बुनिधाविव ॥ १९ ॥

kadā śamamupaiṣyanti mamāntarbhogasaṃvidaḥ | ālolakallolaravā ūrmayo'mbunidhāviva || 19 ||

When will my tumultuous desires of worldly aggrandizement, merge in peaceful tranquillity; as the loose, loud and boisterous waves and billows subside in the sea?

इदं कृत्वेदमप्यन्यत्कर्तव्यमिति कल्पनाम् । कदान्तर्विहसिष्यामि पदविश्रान्तया धिया ॥ २० ॥

idaṃ kṛtvedamapyanyatkartavyamiti kalpanām | kadāntarvihasiṣyāmi padaviśrāntayā dhiyā || 20 ||

When will the placid and unstirred composure of my mind, smile in secret within myself, to reflect on the wishes of mankind, that they will do this thing after they have done the other, which leads them interminably in the circuit of their misery.

कदा विकल्पजालं मे न लगिष्यति चेतसि । स्थितमप्युज्झितासङ्गं पयः पद्मदले यथा ॥ २१ ॥

kadā vikalpajālaṃ me na lagiṣyati cetasi | sthitamapyujjhitāsaṅgaṃ payaḥ padmadale yathā || 21 ||

When will my mind be loosened from its noose of desire, and when shall I remain unattached to all, as a dew drop on the lotus-leaf?

कदा बहुलकल्लोलां नावा परमया धिया । परितीर्णो भविष्यामि मत्तां तृष्णातरङ्गिणीम् ॥ २२ ॥

kadā bahulakallolāṃ nāvā paramayā dhiyā | paritīrṇo bhaviṣyāmi mattāṃ tṛṣṇātaraṅgiṇīm || 22 ||

When shall I get over the boisterous sea of my fickle desires, by means of the raft of my good understanding?

कदेमां जागतैर्भूतैः क्रियमाणामसन्मयीम् । क्रियामपहसिष्यामि बाललीलामिवाकुलाम् ॥ २३ ॥

kademāṃ jāgatairbhūtaiḥ kriyamāṇāmasanmayīm | kriyāmapahasiṣyāmi bālalīlāmivākulām || 23 ||

When shall I laugh to scorn, the foolish actions of worldly people, as the silly play of children?

कदा विकल्पपर्यस्तं मनो दोलावदोलनम् । शममेष्यति मे शान्तवातौजस इव भ्रमः ॥ २४ ॥

kadā vikalpaparyastaṃ mano dolāvadolanam | śamameṣyati me śāntavātaujasa iva bhramaḥ || 24 ||

When will my mind get rid of its desire and dislike and cease to swing to and fro in the cradle of its option and caprice; and return to its steadiness, as a madman is calmed after the fit of his delirium has passed away?

कदोदितवपुर्भासा विहसञ्जागतीर्गतीः । अन्तः संतोषमेष्यामि विराडात्मेव पूर्णधीः ॥ २५ ॥

kadoditavapurbhāsā vihasañjāgatīrgatīḥ | antaḥ saṃtoṣameṣyāmi virāḍātmeva pūrṇadhīḥ || 25 ||

When shall I receive my spiritual and luminous body, and deride the course of the world; and have my internal satisfaction within myself, like the all knowing and all sufficient spirit of Virat?

अन्तः समसमाकारः सौम्यः सर्वार्थनिस्पृहः । कदोपशममेष्यामि मन्थमुक्तामृताब्धिवत् ॥ २६ ॥

antaḥ samasamākāraḥ saumyaḥ sarvārthanispṛhaḥ | kadopaśamameṣyāmi manthamuktāmṛtābdhivat || 26 ||

With internal equanimity and serenity of the soul, and indifference to external objects, when shall I obtain my calm quietness, like the sea after its release from churning?

कदेमामचलां दृश्यश्रियमाशाशतात्मिकाम् । सर्वां सुषुप्तवत्पश्यन्भविष्याम्यन्तराततः ॥ २७ ॥

kademāmacalāṃ dṛśyaśriyamāśāśatātmikām | sarvāṃ suṣuptavatpaśyanbhaviṣyāmyantarātataḥ || 27 ||

When shall I behold the fixed scene of the world before me, as it is visible in my dream, and keep myself aloof from the same?

सबाह्याभ्यन्तरं सर्व शान्तकल्पनया धिया । पश्यंश्चिन्मात्रमखिलं भावयिष्याम्यहं कदा ॥ २८ ॥

sabāhyābhyantaraṃ sarva śāntakalpanayā dhiyā | paśyaṃścinmātramakhilaṃ bhāvayiṣyāmyahaṃ kadā || 28 ||

When shall I view the inner and outer worlds, in the light of a fixed picture in the sight of my imagination; and when shall I meditate on the whole in the light of an intellectual system?

कदोपशान्तचित्तात्मा चित्तामुपगतः पराम् । परमालोकमेष्यामि जात्यन्धविगमादिव ॥ २९ ॥

kadopaśāntacittātmā cittāmupagataḥ parām | paramālokameṣyāmi jātyandhavigamādiva || 29 ||

Ah! when shall I have the calmness of my mind and soul, and become a perfectly intellectual being myself; when shall I have that supernatural light in me, which enlightens the internal eye of those that are born blind?

कदाभ्यासोपलभ्येन चित्प्रकाशेन चारुणा । दूरादालोकयिष्यामि तन्वीं कालकलामिमाम् ॥ ३० ॥

kadābhyāsopalabhyena citprakāśena cāruṇā | dūrādālokayiṣyāmi tanvīṃ kālakalāmimām || 30 ||

When will the sunshine of my meditation, show unto me the pure light of my intellect, whereby I may see the objects at a distance, as I perceive the parts of time in myself.

ईहितानीहितैर्मुक्तो हेयोपादेयवर्जितः । कदान्तस्तोषमेष्यामि स्वप्रकाशपदे स्थितः ॥ ३३ ॥

īhitānīhitairmukto heyopādeyavarjitaḥ | kadāntastoṣameṣyāmi svaprakāśapade sthitaḥ || 33 ||

When shall I become like a cold clod of stone, in the cavern of a mountain, and have the calm coolness of my mind by an invariable samadhi—comatosity.

कदाशाकौशिकीकीर्णा जाड्यजीर्णहृदम्बुजा । क्षयमेष्यति कृष्णेयं कदा मे दोषयामिनी ॥ ३२ ॥

kadāśākauśikīkīrṇā jāḍyajīrṇahṛdambujā | kṣayameṣyati kṛṣṇeyaṃ kadā me doṣayāminī || 32 ||

When will this long and dark night of my ignorance come to its end? It is infested by my faults fluttering as the boding birds of night, and infected with frost withering the lotus of my heart (hrid-padma),

कदोपशान्तमननो धरणीधरकन्दरे । समेष्यामि शिलासाम्यं निर्विकल्पसमाधिना ॥ ३३ ॥

kadopaśāntamanano dharaṇīdharakandare | sameṣyāmi śilāsāmyaṃ nirvikalpasamādhinā || 33 ||

When shall I become like a cold clod of stone, in the cavern of a mountain, and have the calm coolness of my mind by an invariable samadhi—comatosity.

कदा मे मानमातङ्गः स्वाभिमानमहामदः । सत्त्वावबोधहरिणा हतो नाशमुपैष्यति ॥ ३४ ॥

kadā me mānamātaṅgaḥ svābhimānamahāmadaḥ | sattvāvabodhahariṇā hato nāśamupaiṣyati || 34 ||

When will the elephant of my pride, which is ever giddy with its greatness, become a prey to the lion of right understanding.

निरंशध्यानविश्रान्तेर्मूकस्य मम मूर्धनि । कदा तार्णं करिष्यन्ति कुलायं वनघूर्णिकाः ॥ ३५ ॥

niraṃśadhyānaviśrāntermūkasya mama mūrdhani | kadā tārṇaṃ kariṣyanti kulāyaṃ vanaghūrṇikāḥ || 35 ||

When will the little birds of the forest, build their nest of grass in the braids of hair upon my head; when I remain fixed in my unalterable meditation, in my state of silence and torpidity.

कदा निःशङ्कमुरसि ध्यानधीरधियः खगाः । मम विश्रान्तिमेष्यन्ति शैलस्थाण्वचलस्थितेः ॥ ३६ ॥

kadā niḥśaṅkamurasi dhyānadhīradhiyaḥ khagāḥ | mama viśrāntimeṣyanti śailasthāṇvacalasthiteḥ || 36 ||

And when will the birds of the air rest fearlessly on my bosom, as they do on the tops of fixed rocks, upon finding me sitting transfixed in my meditation, and as immovable as a rock.

तृष्णाकरञ्जजटिलां जन्मजर्जरगुल्मिकाम् । संसारारण्यसरसीं त्यक्त्वा यास्याम्यहं कदा ॥ ३७ ॥

tṛṣṇākarañjajaṭilāṃ janmajarjaragulmikām | saṃsārāraṇyasarasīṃ tyaktvā yāsyāmyahaṃ kadā || 37 ||

Ah! when shall I pass over this lake of the world, wherein my desires and passions, are as the weeds and thorny brambles, and obstructing my passage to its borders of felicity.

इति चिन्तापरवशो वन उद्दालको द्विजः । पुनः पुनस्तूपविशन्ध्यानाभ्यासं चकार ह ॥ ३८ ॥

iti cintāparavaśo vana uddālako dvijaḥ | punaḥ punastūpaviśandhyānābhyāsaṃ cakāra ha || 38 ||

Immerged in these and the like reflections, the twice-born Uddalaka sat in his meditation amidst the forest.

विषयैर्नीयमाने तु चित्ते मर्कटचञ्चले । न स लेभे समाधानप्रतिष्ठां प्रीतिदायिनीम् ॥ ३९ ॥

viṣayairnīyamāne tu citte markaṭacañcale | na sa lebhe samādhānapratiṣṭhāṃ prītidāyinīm || 39 ||

But as his apish ficklemindedness turned towards sensible objects in different ways, he did not obtain the state of habitation which could render him happy.

कदाचिद्बाह्यसंस्पर्शपरित्यागादनन्तरम् । तस्यागच्छच्चित्तकपिः प्रोद्वेगं सत्त्वसंस्थितौ ॥ ४० ॥

kadācidbāhyasaṃsparśaparityāgādanantaram | tasyāgacchaccittakapiḥ prodvegaṃ sattvasaṃsthitau || 40 ||

Sometimes his apish mind turned away from leaning to external objects, and pursued with eagerness the realities of the internal world or intellectual verities.

कदाचिदान्तरान् स्पर्शान्परित्यज्य मनःकपिः । लोलत्वात्तस्य संयातो विषयं विषदग्धवत् ॥ ४१ ॥

kadācidāntarān sparśānparityajya manaḥkapiḥ | lolatvāttasya saṃyāto viṣayaṃ viṣadagdhavat || 41 ||

At others his fickle mind, departed from the intangible things of the inner or intellectual world; and, returned with fondness to outer objects, which are mixed with poison.

कदाचिदुदितार्काभं तेजो दृष्ट्वान्तरे मनः । विषयोन्मुखतां यातं तस्य तामरसेक्षण ॥ ४२ ॥

kadāciduditārkābhaṃ tejo dṛṣṭvāntare manaḥ | viṣayonmukhatāṃ yātaṃ tasya tāmarasekṣaṇa || 42 ||

He often beheld the sunlight of spirituality rising within himself, and as often turned away his mind from that golden prospect, to the sight of gross objects.

आन्तरान्ध्यतमस्त्यागं कृत्वा विषयलम्पटम् । तस्योड्डीय मनो याति कदाचित्त्रस्तपक्षिवत् ॥ ४३ ॥

āntarāndhyatamastyāgaṃ kṛtvā viṣayalampaṭam | tasyoḍḍīya mano yāti kadācittrastapakṣivat || 43 ||

Leaving the soul in the gloom of internal darkness, the licentious mind flies as fast as a bird, to the objects of sense abroad.

बाह्यानाभ्यन्तरान्स्पर्शांस्त्यक्त्वा निद्रां च तन्मनः । तमस्तेजोन्तिके लेभे कदाचिच्छाश्वतीं स्थितिम् ॥ ४४ ॥

bāhyānābhyantarānsparśāṃstyaktvā nidrāṃ ca tanmanaḥ | tamastejontike lebhe kadācicchāśvatīṃ sthitim || 44 ||

Thus turning by turns from the inner to the outer world, and then from this to that again; his mind found its rest in the intermediate space, lying between the light of the one and darkness of the other.

इति पर्याकुलस्यान्तः स खलु ध्यानवृत्तिषु । दरीष्वन्वहमुग्रासु वातमग्न इव द्रुमः ॥ ४५ ॥

iti paryākulasyāntaḥ sa khalu dhyānavṛttiṣu | darīṣvanvahamugrāsu vātamagna iva drumaḥ || 45 ||

Being thus perplexed in his mind, the meditative Brahman remained in his exalted cavern, like a lofty tree shaken to and fro by the beating tempest.

अतिष्ठद्ध्यानसंरूढमननः संकटे यथा । दोलायितवपुस्तुच्छतृष्णातीरतरङ्गकैः ॥ ४६ ॥

atiṣṭhaddhyānasaṃrūḍhamananaḥ saṃkaṭe yathā | dolāyitavapustucchatṛṣṇātīrataraṅgakaiḥ || 46 ||

He continued in his meditation as a man of fixed attention, at the time of an impending danger;and his body shook to and fro, as it was moved forward and backward by the tiny waves splashing on the bank.

अथ पर्याकुलमना विजहार मुनिर्गिरौ । प्रत्यहं दिवसाधीशो महामेराविवैककः ॥ ४७ ॥

atha paryākulamanā vijahāra munirgirau | pratyahaṃ divasādhīśo mahāmerāvivaikakaḥ || 47 ||

Thus unsettled in his mind, the sage sauntered about the hill; as the god of day makes his daily round, about the polar mountain in his lonely course.

समस्तभूतदुष्प्रापामेकदा प्राप कन्दराम् । संशान्तसर्वसंचारां मुनिर्मोक्षदशामिव ॥ ४८ ॥

samastabhūtaduṣprāpāmekadā prāpa kandarām | saṃśāntasarvasaṃcārāṃ munirmokṣadaśāmiva || 48 ||

Wandering in this manner, he once observed a cavern, which was beyond the reach of all living beings; and was as quiet and still, as the liberated state of an anchorite.

अपर्याकुलितां वातैरप्राप्तमृगपक्षिणीम् । अदृष्टां देवगन्धर्वैः परमाकाशशोभनाम् ॥ ४९ ॥

aparyākulitāṃ vātairaprāptamṛgapakṣiṇīm | adṛṣṭāṃ devagandharvaiḥ paramākāśaśobhanām || 49 ||

It was not disturbed by the winds, nor frequented by birds and beasts; it was unseen by the gods and Gandharvas, and was as lightsome as the bright concave of heaven.

पुष्पप्रकरसंछन्नां मृदुशाद्वलकोमलाम् । ज्योतीरसाश्मसंप्रोतैः कृतां मरकतैरिव ॥ ५० ॥

puṣpaprakarasaṃchannāṃ mṛduśādvalakomalām | jyotīrasāśmasaṃprotaiḥ kṛtāṃ marakatairiva || 50 ||

It was covered with heaps of flowers, and was spread over with a coverlet of green and tender grass; and being overlaid by a layer of moonstones, it seemed to have its floor of emerald.

सुस्निग्धशीतलच्छायां प्रकटां रत्नदीपकैः । सुगुप्तां वनदेवीनामन्तःपुरकुटीमिव ॥ ५१ ॥

susnigdhaśītalacchāyāṃ prakaṭāṃ ratnadīpakaiḥ | suguptāṃ vanadevīnāmantaḥpurakuṭīmiva || 51 ||

It afforded a cool and congenial shade, emblazoned by the mild light of the bright gems in its bosom; and appeared to be the secret haunt of woodland goddesses, that chanced to sport therein.

कुलम्बनाहिमालोकां नात्युष्णां नातिशीतलाम् । शारदस्योदितार्कस्य हेमगौरीं प्रभामिव ॥ ५२ ॥

kulambanāhimālokāṃ nātyuṣṇāṃ nātiśītalām | śāradasyoditārkasya hemagaurīṃ prabhāmiva || 52 ||

The light of the gems that spread over the ground, was neither too hot nor too cold;but resembled the golden rays of the rising sun in autumn.

बालालोकपरिम्लानां कोमलाशब्दमारुताम् । मञ्जरीजटिलोपेतां बालां मालावतीमिव ॥ ५३ ॥

bālālokaparimlānāṃ komalāśabdamārutām | mañjarījaṭilopetāṃ bālāṃ mālāvatīmiva || 53 ||

This cave appeared as a new bride decked with flowers, and holding a wreathed garland in her hand; with her countenance fading under the light of the gemming lamps, and fanned by the soft whistling of winds.

उपशमपदवीमिवानुरूपां कमलजविश्रमणाय योग्यरूपाम् । कुसुमनिकरकोमलाभिरामां सरसिजकोटरकोमलां समन्तात् ॥ ५४ ॥

upaśamapadavīmivānurūpāṃ kamalajaviśramaṇāya yogyarūpām | kusumanikarakomalābhirāmāṃ sarasijakoṭarakomalāṃ samantāt || 54 ||

It was as the abode of tranquillity, and the resting place of the lord of creation; it was charming by the variety of its blooming blossoms, and was as soft and mild as the cell of the lotus.