106. 106. शास्त्रानुक्रमणी

शास्त्रौपनयः पूर्वं सांवत्सरसूत्रं अर्कचारश्च । शशिराहुभौमबुधगुरुसितमन्दशिखिग्रहाणां च ।। १०६.०१ ।।

śāstraupanayaḥ pūrvaṃ sāṃvatsarasūtraṃ arkacāraśca / śaśirāhubhaumabudhagurusitamandaśikhigrahāṇāṃ ca // 106.01 //

चारश्चागस्त्यमुनेः सप्तर्षीणां च कूर्मयोगश्च । नक्षत्राणां व्यूहो ग्रहभक्तिर्ग्रहविमर्दश्च ।। १०६.०२ ।।

cāraścāgastyamuneḥ saptarṣīṇāṃ ca kūrmayogaśca / nakṣatrāṇāṃ vyūho grahabhaktirgrahavimardaśca // 106.02 //

ग्रहशशियोगः सम्यग्ग्रहवर्षफलं ग्रहाणां च । शृङ्गाटसंस्थितानां मेघानां गर्भलक्षणं चएव ।। १०६.०३ ।।

grahaśaśiyogaḥ samyaggrahavarṣaphalaṃ grahāṇāṃ ca / śṛṅgāṭasaṃsthitānāṃ meghānāṃ garbhalakṣaṇaṃ caeva // 106.03 //

धारणवर्षणरोहिणिवायव्यऽषाढभद्रपदयोगाः । क्षणवृष्टिः कुसुमलताः सन्ध्याचिह्नं दिशां दाहः ।। १०६.०४ ।।

dhāraṇavarṣaṇarohiṇivāyavya'ṣāḍhabhadrapadayogāḥ / kṣaṇavṛṣṭiḥ kusumalatāḥ sandhyācihnaṃ diśāṃ dāhaḥ // 106.04 //

भूकम्पौल्कापरिवेषलक्षणं शक्रचापखपुरं च । प्रतिसूर्यो निर्घातः सस्यद्रव्यार्घकाण्डं च ।। १०६.०५ ।।

bhūkampaulkāpariveṣalakṣaṇaṃ śakracāpakhapuraṃ ca / pratisūryo nirghātaḥ sasyadravyārghakāṇḍaṃ ca // 106.05 //

इन्द्रध्वजनीराजनखञ्जनकौत्पातवर्हिचित्रं च । पुष्याभिषेकपट्टप्रमाणं असिलक्षणं वास्तु ।। १०६.०६ ।।

indradhvajanīrājanakhañjanakautpātavarhicitraṃ ca / puṣyābhiṣekapaṭṭapramāṇaṃ asilakṣaṇaṃ vāstu // 106.06 //

उदक्आर्गलं आरामिकं अमरालयलक्षणं कुलिशलेपः । प्रतिमा वनप्रवेशः सुरभवनानां प्रतिष्ठा च ।। १०६.०७ ।।

udakārgalaṃ ārāmikaṃ amarālayalakṣaṇaṃ kuliśalepaḥ / pratimā vanapraveśaḥ surabhavanānāṃ pratiṣṭhā ca // 106.07 //

चिह्नं गवां अथ शुनां कुक्कुटकूर्माजपुरुषचिह्नं च । पञ्चमनुष्यविभागः स्त्रीचिह्नं वस्त्रविच्छेदः ।। १०६.०८ ।।

cihnaṃ gavāṃ atha śunāṃ kukkuṭakūrmājapuruṣacihnaṃ ca / pañcamanuṣyavibhāgaḥ strīcihnaṃ vastravicchedaḥ // 106.08 //

चामरदण्डपरीक्षा स्त्रीस्तोत्रं चापि सुभगकरणं च । कान्दर्पिकानुलेपनपुंस्त्रिकाध्यायशयनविधिः ।। १०६.०९ ।।

cāmaradaṇḍaparīkṣā strīstotraṃ cāpi subhagakaraṇaṃ ca / kāndarpikānulepanapuṃstrikādhyāyaśayanavidhiḥ // 106.09 //

वज्रपरीक्षा मौक्तिकलक्षणं अथ पद्मरागमरकतयोः । दीपस्य लक्षणं दन्तधावनं शाकुनं मिश्रम् ।। १०६.१० ।।

vajraparīkṣā mauktikalakṣaṇaṃ atha padmarāgamarakatayoḥ / dīpasya lakṣaṇaṃ dantadhāvanaṃ śākunaṃ miśram // 106.10 //

अन्तरचक्रं विरुतं श्वचेष्टितं विरुतं अथ शिवायाश्च ।। चरितं मृगाश्वकरिणां वायसविद्योत्तरं च ततः ।। १०६.११ ।।

antaracakraṃ virutaṃ śvaceṣṭitaṃ virutaṃ atha śivāyāśca // caritaṃ mṛgāśvakariṇāṃ vāyasavidyottaraṃ ca tataḥ // 106.11 //

पाको नक्षत्रगुणास्तिथिकरणगुणाः सधिष्ण्यजन्मगुणाः । गोचरं अथ ग्रहाणां कथितो नक्षत्रपुरुषश्च ।। १०६.१२ ।।

pāko nakṣatraguṇāstithikaraṇaguṇāḥ sadhiṣṇyajanmaguṇāḥ / gocaraṃ atha grahāṇāṃ kathito nakṣatrapuruṣaśca // 106.12 //

शतं इदं अध्यायानां अनुपरिपाटिक्रमादनुक्रान्तम् । अत्र श्लोकसहस्राण्याबद्धान्यूनचत्वारि ।। १०६.१३ ।।

śataṃ idaṃ adhyāyānāṃ anuparipāṭikramādanukrāntam / atra ślokasahasrāṇyābaddhānyūnacatvāri // 106.13 //

अत्रएवान्तर्भूतं परिशेषं निगदितं च यात्रायाम् । । बह्वाश्चर्यं जातकं उक्तं करणं च बहुचोद्यम् ।। १०६.१४ ।।

atraevāntarbhūtaṃ pariśeṣaṃ nigaditaṃ ca yātrāyām / / bahvāścaryaṃ jātakaṃ uktaṃ karaṇaṃ ca bahucodyam // 106.14 //