36. 36. गन्धर्वनगरलक्षणाध्यायः

उदगादि पुरोहितनृपबलपतियुवराजदोषदं खपुरम् । सितरक्तपीतकृष्णं विप्रऽदीनां अभावाय ।। ३६.०१ ।।

udagādi purohitanṛpabalapatiyuvarājadoṣadaṃ khapuram / sitaraktapītakṛṣṇaṃ vipra'dīnāṃ abhāvāya // 36.01 //

नागरनृपतिजयऽवहं उदग्विदिक्स्थं विवर्णनाशाय । शान्तऽशायां दृष्टं सतोरणं नृपतिविजयाय ।। ३६.०२ ।।

nāgaranṛpatijaya'vahaṃ udagvidiksthaṃ vivarṇanāśāya / śānta'śāyāṃ dṛṣṭaṃ satoraṇaṃ nṛpativijayāya // 36.02 //

सर्वदिगुत्थं सततोथितं च भयदं नरेन्द्रराष्ट्राणाम् । चौराटविकान्हन्याद्धूमानलशक्रचापऽभम् ।। ३६.०३ ।।

sarvadigutthaṃ satatothitaṃ ca bhayadaṃ narendrarāṣṭrāṇām / caurāṭavikānhanyāddhūmānalaśakracāpa'bham // 36.03 //

गन्धर्वनगरं उत्थितं आपाण्डुरं अशनिपातवातकरम् । दीप्ते नरेन्द्रमृत्युर्वामेऽरिभयं जयः सव्ये ।। ३६.०४ ।।

gandharvanagaraṃ utthitaṃ āpāṇḍuraṃ aśanipātavātakaram / dīpte narendramṛtyurvāme'ribhayaṃ jayaḥ savye // 36.04 //

अनेकवर्णऽकृति खे प्रकाशते पुरं पताकाध्वजतोरणान्वितम् । यदा तदा नागमनुष्यवाजिनां पिबत्यसृग्भूरि रणे वसुन्धरा ।। ३६.०५ ।।

anekavarṇa'kṛti khe prakāśate puraṃ patākādhvajatoraṇānvitam / yadā tadā nāgamanuṣyavājināṃ pibatyasṛgbhūri raṇe vasundharā // 36.05 //