99. 99. करणगुणाध्यायः

वववालवकौलवतैतिलऽख्यगरवणिजविष्टिसंज्ञानाम् । पतयः स्युरिन्द्रकमलजमित्रार्यमभूश्रियः सयमाः ।। ९९.०१ ।।

vavavālavakaulavataitila'khyagaravaṇijaviṣṭisaṃjñānām / patayaḥ syurindrakamalajamitrāryamabhūśriyaḥ sayamāḥ // 99.01 //

कृष्णचतुर्दश्यर्धाद्धुवाणि शकुनिश्चतुष्पदं नागम् । किंस्तुघ्नं इति च तेषां कलिवृषफणिमारुताः पतयः ।। ९९.०२ ।।

kṛṣṇacaturdaśyardhāddhuvāṇi śakuniścatuṣpadaṃ nāgam / kiṃstughnaṃ iti ca teṣāṃ kalivṛṣaphaṇimārutāḥ patayaḥ // 99.02 //

कुर्याद्ववे शुभचरस्थिरपौष्टिकानि धर्मक्रियाद्विजहितानि च वालवआख्ये । सम्प्रीतिमित्रवरणानि च कौलवे स्युः सौभाग्यसंश्रयगृहाणि च तैतिलऽख्ये ।। ९९.०३ ।।

kuryādvave śubhacarasthirapauṣṭikāni dharmakriyādvijahitāni ca vālavaākhye / samprītimitravaraṇāni ca kaulave syuḥ saubhāgyasaṃśrayagṛhāṇi ca taitila'khye // 99.03 //

कृषिबीजगृहऽश्रयजानि गरे वणिजि धुवकार्यवणिग्युतयः । न हि विष्टिकृतं विदधाति शुभं परघातविषऽदिषु सिद्धिकरम् ।। ९९.०४ ।।

kṛṣibījagṛha'śrayajāni gare vaṇiji dhuvakāryavaṇigyutayaḥ / na hi viṣṭikṛtaṃ vidadhāti śubhaṃ paraghātaviṣa'diṣu siddhikaram // 99.04 //

कार्यं पौष्टिकं औषधादि शकुनौ मूलानि मन्त्रास्तथा गोकार्याणि चतुष्पदे द्विजपितृनुद्दिश्य राज्यानि च । नागे स्थावरदारुणानि हरणं दौर्भाग्यकर्माण्यतः किंस्तुघ्ने शुभं इष्टिपुष्टिकरणं मङ्गल्यसिद्धिक्रियाः ।। ९९.०५ ।।

kāryaṃ pauṣṭikaṃ auṣadhādi śakunau mūlāni mantrāstathā gokāryāṇi catuṣpade dvijapitṛnuddiśya rājyāni ca / nāge sthāvaradāruṇāni haraṇaṃ daurbhāgyakarmāṇyataḥ kiṃstughne śubhaṃ iṣṭipuṣṭikaraṇaṃ maṅgalyasiddhikriyāḥ // 99.05 //

लाभे तृतीये च शुभैः समेते पापैर्विहीने शुभराशिलग्ने । वेध्यौ च कर्णावमरेज्यलग्ने पुष्यैन्दुचित्राहरिपौष्णभेषु ।। ९९.०६ ।।

lābhe tṛtīye ca śubhaiḥ samete pāpairvihīne śubharāśilagne / vedhyau ca karṇāvamarejyalagne puṣyainducitrāharipauṣṇabheṣu // 99.06 //

रोहिण्युत्तररेवतीमृगशिरोमूलानुराधामघा हस्तस्वातिषु षष्ठतौलिमिथुनेषुउद्यत्सु पाणिग्रहः । सप्ताष्टान्त्यबहिःशुभैरुडुपतावेकादशद्वित्रिगे क्रूरैस्त्र्यायषडष्टगैर्न तु भृगौ षष्ठे कुजे चाष्टमे ।। ९९.०७ ।।

rohiṇyuttararevatīmṛgaśiromūlānurādhāmaghā hastasvātiṣu ṣaṣṭhataulimithuneṣuudyatsu pāṇigrahaḥ / saptāṣṭāntyabahiḥśubhairuḍupatāvekādaśadvitrige krūraistryāyaṣaḍaṣṭagairna tu bhṛgau ṣaṣṭhe kuje cāṣṭame // 99.07 //

दम्पत्योर्द्विनवाष्टराशिरहिते चारानुकुले रवौ चन्द्रे चार्ककुजार्किशुक्रवियुते मध्येऽथ वा पापयोः । त्यक्त्वा च व्यतिपातवैधृतिदिनं विष्टिं च रिक्तां तिथिं क्रूराहायनपौषचैत्रविरहे लग्नांशके मानुषे ।। ९९.०८ ।।

dampatyordvinavāṣṭarāśirahite cārānukule ravau candre cārkakujārkiśukraviyute madhye'tha vā pāpayoḥ / tyaktvā ca vyatipātavaidhṛtidinaṃ viṣṭiṃ ca riktāṃ tithiṃ krūrāhāyanapauṣacaitravirahe lagnāṃśake mānuṣe // 99.08 //