66. 66. हस्तिलक्षणाध्यायः

मध्वाभदन्ताः सुविभक्तदेहा न चउपदिग्धा न कृशाः क्षमाश्च । गात्रैः समैश्चापसमानवंशा वराहतुल्यैर्जघनैश्च भद्राः ।। ६६.०१ ।।

madhvābhadantāḥ suvibhaktadehā na caupadigdhā na kṛśāḥ kṣamāśca / gātraiḥ samaiścāpasamānavaṃśā varāhatulyairjaghanaiśca bhadrāḥ // 66.01 //

वक्षोऽथ कक्षावलयः श्लथाश्च लम्बौदरस्त्वग्बृहती गलश्च । स्थूला च कुक्षिः सह पेचकेन सैंही च दृग्मन्दमतङ्गजस्य ।। ६६.०२ ।।

vakṣo'tha kakṣāvalayaḥ ślathāśca lambaudarastvagbṛhatī galaśca / sthūlā ca kukṣiḥ saha pecakena saiṃhī ca dṛgmandamataṅgajasya // 66.02 //

मृगास्तु ह्रस्वाधरवालमेढ्रास् तन्वङ्घ्रिकण्ठद्विजहस्तकर्णाः । स्थूलईक्षणाश्चैति यथाउक्तचिह्नैः सङ्कीर्णनागा व्यतिमिश्रचिह्नाः ।। ६६.०३ ।।

mṛgāstu hrasvādharavālameḍhrās tanvaṅghrikaṇṭhadvijahastakarṇāḥ / sthūlaīkṣaṇāścaiti yathāuktacihnaiḥ saṅkīrṇanāgā vyatimiśracihnāḥ // 66.03 //

पञ्चौन्नतिः सप्त मृगस्य दैर्घ्यम् अष्टौ च हस्ताः परिणाहमानम् । एकद्विवृद्धावथ मन्दभद्रौ सङ्कीर्ननागोऽनियतप्रमाणः ।। ६६.०४ ।।

pañcaunnatiḥ sapta mṛgasya dairghyam aṣṭau ca hastāḥ pariṇāhamānam / ekadvivṛddhāvatha mandabhadrau saṅkīrnanāgo'niyatapramāṇaḥ // 66.04 //

भद्रस्य वर्णो हरितो मदश्च मन्दस्य हारिद्रकसन्निकाशः । कृष्णो मदश्चाभिहितो मृगस्य सङ्कीर्णनागस्य मदो विमिश्रः ।। ६६.०५ ।।

bhadrasya varṇo harito madaśca mandasya hāridrakasannikāśaḥ / kṛṣṇo madaścābhihito mṛgasya saṅkīrṇanāgasya mado vimiśraḥ // 66.05 //

ताम्रओष्ठतालुवदनाः कलविङ्कनेत्राः स्निग्धौन्नताग्रदशनाः पृथुलऽयतऽस्याः । चापौन्नतऽयतनिगूढनिमग्नवंशास् तन्वेकरोमचितकूर्मसमानकुम्भाः ।। ६६.०६ ।।

tāmraoṣṭhatāluvadanāḥ kalaviṅkanetrāḥ snigdhaunnatāgradaśanāḥ pṛthula'yata'syāḥ / cāpaunnata'yatanigūḍhanimagnavaṃśās tanvekaromacitakūrmasamānakumbhāḥ // 66.06 //

विस्तीर्णकर्णहनुनाभिललाटगुह्याः कूर्मौन्नतद्विनवविंशतिभिर्नखैश्च । रेखात्रयौपचितवृत्तकराः सुवाला धन्याः सुगन्धिमदपुष्करमारुताश्च ।। ६६.०७ ।।

vistīrṇakarṇahanunābhilalāṭaguhyāḥ kūrmaunnatadvinavaviṃśatibhirnakhaiśca / rekhātrayaupacitavṛttakarāḥ suvālā dhanyāḥ sugandhimadapuṣkaramārutāśca // 66.07 //

दीर्घाङ्गुलिरक्तपुष्कराः सजलाम्भोदनिनादबृंहिणः । बृहदायतवृत्तकन्धरा धन्या भूमिपतेर्मतङ्गजाः ।। ६६.०८ ।।

dīrghāṅguliraktapuṣkarāḥ sajalāmbhodaninādabṛṃhiṇaḥ / bṛhadāyatavṛttakandharā dhanyā bhūmipatermataṅgajāḥ // 66.08 //

निमर्दअभ्यधिकहीननखाङ्गान् कुब्जवामनकमेषविषाणान् । दृश्यकोशफलपुष्करहीनान् श्यावनीलशबलासिततालून् ।। ६६.०९ ।।

nimardaabhyadhikahīnanakhāṅgān kubjavāmanakameṣaviṣāṇān / dṛśyakośaphalapuṣkarahīnān śyāvanīlaśabalāsitatālūn // 66.09 //

स्वल्पवक्त्ररुहमत्कुणषण्ढान् हस्तिनीं च गजलक्षणयुक्ताम् । गर्भिणी च नृपतिः परदेशं प्रापयेदतिविरूपफलास्ते ।। ६६.१० ।।

svalpavaktraruhamatkuṇaṣaṇḍhān hastinīṃ ca gajalakṣaṇayuktām / garbhiṇī ca nṛpatiḥ paradeśaṃ prāpayedativirūpaphalāste // 66.10 //